Құрметті Қазақстан Республикасының азаматтары,
Қазақстан Республикасының Нью-Дели қаласындағы Елшілігі Үндістан аумағында жүрген Қазақстан Республикасы азаматтарын хабардар етеді.
Үндістанның Сыртқы істер министрлігі хабарламасына сәйкес, Батыс Азия өңіріндегі ағымдағы оқиғаларға байланысты визасын ұзарту немесе Үндістан аумағында болу заңдылығын реттеу қажеттілігі туындаған шетел азаматтарына шетелдіктерді тіркеу жөніндегі өңірлік бөлімшеге (FRRO) жүгіну ұсынылады.
FRRO бөлімшелері Үндістанның Иммиграция бюросы қарамағында жұмыс істейді.
Өңірлік бөлімшелердің байланыс ақпараты ресми сайтта орналастырылған: https://boi.gov.in/
Қазақстан Республикасының азаматтарына Үндістанның көші-қон заңнамасының талаптарын сақтауға және уәкілетті органдарға уақытылы жүгінуге кеңес беріледі.
Нью-Дели
2026 жылғы 1 наурыз