Қазақстан Республикасының Сыртқы істер министрлігі Таяу Шығыс өңіріндегі қауіпті әскери шиеленіске байланысты өз алаңдаушылығын білдіреді және қақтығысты БҰҰ Жарғысы мен халықаралық құқық нормаларына сәйкес тек саяси-дипломатиялық жолмен тез арада реттеуді құптайды.
Қатысушы тараптарды барынша ұстамды болуға шақырамыз.
Қазақстан Республикасының Сирия Араб республикасындағы Консулдығы Сирияда соңғы күндері қалыптасып отырған ахуалды ыждахатпен бақылауда. Консулдық Сирияның жергілікті мемлекеттік құзыретті органдарымен тығыз байланыста. Сириядағы жағдай күннен күнге ушығып барады. Осыған орай Консулдық Сириядағы, әсіресе елдің солтүстік-батысындағы Қазақстан азаматтарын сақтық шараларын мейлінше сақтауға шақырады. Консулдық ҚР азаматтарына шұғыл көмек керек болған жағдайда тиісті қолдау көрсетуге әзірлігін білдіреді. Сонымен қатар, Сириядағы жағдай реттелгенше елден кете тұрудың қисындылығына мән береді.
Консулдықтың байланыс құралдары:
Телефон: +963 943 333 319
WhansApp: +963 943 333 319
2024 жылдың 4 қарашасында САР Сыртқы істер және экспатрианттар министрлігінде Протокол департаментінің Басшысы Сафуан Баракатпен кездесу өтті.
Кездесу барысында екі ел арасындағы ынтымақтастықтың қазіргі ахуалы мен оны ілгерілету мәселелері талқыланды.
Консулдықтың бастамасымен 2024 жылдың 4 қарашасында САР Сыртқы істер және экспатрианттар министрлігінде Халықаралық ұйымдар және конференциялар департаментінің директоры Мұхаммед Анфуан Әл-Найебпен кездесу өтті.
Кездесу барысында Қазақстанның Атом энергиясы жөніндегі халықаралық ұйымның (АЭХА) Таяу Шығыс және Оңтүстік Азия өңірлік тобына (MESA) қосылуына сирияның қолдау көрсету мәселесі талқыланды.
Консулдықтың бастамасымен 2024 жылдың 15 қазанында САР Сыртқы істер және экспатрианттар министрлігінде Консулдық және экспатрианттар департаментінің директоры Мұстафа Диабпен кездесу болды.
Сұхбат барысында екі ел арасындағы қарым-қатынастардың, оның ішінде консулдық мәселелерге қатысты тақырыптар қозғалды.
Консулдықтың бастамасымен 2024 жылдың 15 қазанында САР Сыртқы істер және экспатрианттар министрлігінде Протокол департаментінің директоры Сафуан Баракатпен кездесу өтті. Кездесу барысында екі ел арасындағы ынтымақтастықтың қазіргі ахуалы мен оны ілгерілету мәселелері талқыланды. Оның ішінде, Дамаскі қаласында орналасқан Әл-Фараби орталығына қатысты келісім мен протокол жобаларына қол қою үшін оны қарастыруды жылдамдату пысықталды.