Мысыр Сыртқы істер министрлігі Қазақстанмен ынтымақтастықты одан әрі нығайтуға бейілділігін растады
Каир, 2024 жылғы 19 тамыз – Қазақстанның Елшісі Қайрат Лама Шариф Жаңа Әкімшілік астанада Мысыр Араб Республикасы Сыртқы істер және эмиграция министрінің орынбасары, Елші Ахмед Шахинмен кездесті, оның барысында ҚР Премьер-Министрінің орынбасары – Сыртқы істер министрі Мұрат Нұртілеу атынан жаңадан тағайындалған МАР Сыртқы істер және эмиграция министрі доктор Бадр Абдель-Атыяға құттықтау жолдауын табыс етті.
Тараптар Астана мен Каир арасында тұрақты саяси диалог құрылғанын, халықаралық ұйымдар шеңберінде бастамалар мен кандидаттарды өзара қолдау көрсетілетінін растады. Мысыр Парламенті Сенатының Төрағасы Әбдел Уахаб Әбдел Разектің 2024 жылғы маусымдағы Астанаға жасаған алғашқы ресми сапарының және оның Қазақстан Республикасының Президенті Қасым-Жомарт Тоқаевпен кездесуінің қорытындылары ерекше атап өтілді.
Сұхбат барысында 2024 жылғы ақпанда өткен саяси консультациялардың 8-раундының нәтижелерін іске асырудың маңыздылығын атап өтті, бұл екіжақты және көпжақты күн тәртібіндегі өзекті мәселелер бойынша саяси, сауда-экономикалық және мәдени-гуманитарлық салалардағы өзара тиімді ынтымақтастықты нығайтуға бейілділігін растауға мүмкіндік берді.
Кездесуде бірқатар екіжақты құжаттардың, соның ішінде қосарланған салық салуды болдырмау туралы үкіметаралық Конвенцияның, сондай-ақ құқықтық саладағы мемлекетаралық шарттардың жобаларын келісуді жеделдетуге уағдаласты.
Саяси диалог пен экономикалық ынтымақтастыққа одан әрі серпін беру үшін тараптар жоғары және жоғары деңгейлерде өзара сапарларды ұйымдастырудың, көлік-логистикалық мәселелерді шешу үшін «Орта дәліз» мүмкіндіктерін пайдалана отырып, сауда және инвестициялық кооперацияны жандандырудың маңыздылығын атап өтті.
Экономикалық әріптестікті одан әрі дамыту тұрғысында қазақстандық дипломат сауда-экономикалық қарым-қатынастарды кеңейту үшін перспективалы салаларға тоқталды, әсіресе агроөнеркәсіптік секторға ерекше мән берді. Биылғы жылы ауыл шаруашылығы саласының қолдауы мен қолайлы ауа-райының арқасында Қазақстанда жоғары астық түсімі күтілетіні айтылды. Осыған байланысты Мысырға астықты экспорттаудың үлкен әлеуеті бар, оны жүзеге асыру үшін «Азық-түлік келісім шарт корпорациясы» ҰК» АҚ мен халықаралық нарықтарда азық-түлік бидайын сатып алуға мемлекеттік тендерлер өткізуге уәкілетті «General Authority for Supply Commodities (GASC)» мемлекеттік компаниясы арасында келіссөздер жүргізілуде.
Кездесу қорытындысы бойынша барлық деңгейлерде екіжақты байланыстарды нығайтуға және кеңейтуге өзара қызығушылық білдірілді және Қазақстан мен Мысыр арасындағы ынтымақтастықты одан әрі дамытуға бейілділігі расталды.