АҚИҰ мен Мысыр арасындағы ынтымақтастық тұрақты даму мүддесінде
2021 жылдың 30 шілдесі мен 3 тамызы аралығында Азық-түлік қауіпсіздігі жөніндегі Ислам ұйымының бас директоры Ерлан Байдәулет Мысыр Араб Республикасының Каир қаласына іссапармен келді. Іссапардың бағдарламасы өте маңызды болды, атап айтқанда Мысыр үкіметінің мүшелерімен және халықаралық ұйымдардың аймақтық департаменттерінің басшыларымен келіссөздер сенімді жағдайда жоғары деңгейде өтті.
30 шілдеде Мысыр Араб Республикасының Су ресурстары және ирригация министрі Мохаммад Әбдел-Атимен болған келіссөздерде тараптар Мысыр мен АҚИҰ ынтымақтастығының қазіргі жағдайы мен даму перспективаларын қарастырды. Ауыл шаруашылығында су ресурстарын басқару мәселелеріне ерекше назар аударды. Тараптар ақпарат алмасуды жеделдету үшін орталықтарды тағайындауға және ұйымға мүше елдердің ауыл шаруашылығында су шаруашылығын жетілдіру бойынша іс-шаралар жоспарын әзірлеуге келісті. Пандемияны ескере отырып, ИЫҰ шеңберінде Global Drylands Allience, ICARDA, ICBA сияқты су ресурстарына қатысты барлық институттармен ынтымақтастықты жандандыру туралы пікір айтылды. Мысыр министрі АҚИҰ басшысын 2021 жылдың 24-28 қазанында өтетін Каирдегі су апталығына қатысуға шақырды. Шақыру қабылданды.
1 тамызда МАР Азық -түлік қауіпсіздігі ұлттық агенттігінің төрағасы доктор Хусейн Мансурмен және БҰҰ Азық -түлік және ауыл шаруашылығы ұйымы (ФАО) Бас директорының орынбасарымен және ФАО-ның Таяу Шығыс және Солтүстік Африка аймақтық өкілі, доктор Абдул Хаким Әл-Ваермен Каир кеңсесінде ZOOM форматында конференция өтті.
Құрғақ аймақтардағы ауылшаруашылық зерттеулерінің халықаралық орталығының (ICARDA) бас директоры Әли Абусабамен кездесуде АҚИҰ-мен өзара түсіністік туралы меморандумға және жақын болашаққа арналған іс-шаралар жоспарына қол қойылды.
2 тамызда Ауыл шаруашылығы және мелиорация министрі Әл-Сайед Әл-Кусейрмен кездесу өтті, оның барысында ғылыми зерттеулерге, технологиялар мен инновацияларға қатысты бағдарламаларға баса назар аударылып, ынтымақтастықтың бірқатар өзекті тақырыптары талқыланды. Су ресурстарын басқару және өсімдік зиянкестері мен жануарлар ауруларының трансшекаралық таралуына байланысты төтенше жағдайлардың алдын алу. Сондай-ақ, Мысыр тарапының 2021 жылдың 8-9 қыркүйегінде Нұр-Сұлтанда өтетін АҚИҰ Бас Ассамблеясының IV сессиясына қатысуына ерекше назар аударылды.
Сол күні Мысыр Араб Республикасы Сыртқы істер министрінің көпжақты ынтымақтастық және халықаралық қауіпсіздік жөніндегі орынбасары Ихаб Бадавимен кездесу өткізілді, оның барысында Мысыр тарапының АҚИҰ-мен одан әрі жан-жақты ынтымақтастыққа бейімділігі байқалды.
Бас директор Е.Байдәулеттің сапары Мысыр мен АҚИҰ позициясы көптеген мәселелерге сәйкес келетінін көрсетті. Жергілікті БАҚ келіссөздердің нәтижелеріне оң баға берді. АҚИҰ басшысы Таяу Шығыстағы ең ірі «Nile TV International» телеарнасының президенті, ол бір мезгілде МАР Ұлттық медиа агенттігі төрағасының орынбасары қызметін атқаратын, доктор Тагрид Хусейнге 20 минуттық сұхбат берді.