Қазақстан Республикасының Пусан қаласындағы Бас Консулы Пусан қаласының полиция басшысы Ким Су Хван мырзамен кездесті

Пусан, 2024 жылғы 23 қыркүйек - Қазақстан Республикасының Пусан қаласындағы Бас Консулы Аслан Асқар Пусан қаласының полиция басшысы Ким Су Хван мырзамен кездесті.

Кездесу барысында екі ел арасындағы қарым-қатынастың дамуын және ұзақ мерзімді серіктестікті нығайту жолдарын белгіледі.

Өз кезегінде, А. Асқар, Қазақстан азаматтарының құқықтарын қорғау, болу елінің көші-қон заңнамасы жайлы тәжірибе алмасу маңыздылығын атап өтті.
Сонымен қатар, ағымдағы жылға жоспарланған Пусан қаласындағы Бас консулдықпен бірлесіп өткізілетін іс-шаралар барысында қауіпсіздікті қамтамасыздандыру мәселесі талқыланды.

Пусан полиция басшысы Ким Сун Хван мырза, өз тарапынан, Қазақстан азаматтарының осы аймақтағы қауыпсіздігін нығайтуға барынша қолдау көрсетілетіндігін ерекше атап өтті.