Будапешт, 2026 жылғы 14 қазан – 2026 жылғы 12–14 қазан аралығында Мажарстан астанасы Будапешт қаласында Қазақстан Республикасының Мажарстандағы Елшілігі Қазақстан Республикасының Мәдениет және ақпарат министрлігі мен Шәкен Айманов атындағы «Қазақфильм» киностудиясының қолдауымен Қазақстан киносының күндерін өткізді.
Тарихи «Урания» ұлттық кинотеатрында өткен мәдени іс-шара Қазақстан кинематографиясын халықаралық деңгейде насихаттауға, Мажарстан жұртшылығын еліміздің бай тарихи-мәдени мұрасымен таныстыруға, сондай-ақ екі мемлекет арасындағы мәдени-гуманитарлық ынтымақтастықты одан әрі дамытуға бағытталды.
Үш күндік бағдарлама аясында көрермендерге Қазақстан тарихының әртүрлі кезеңдерін, ұлттық құндылықтары мен мәдени дәстүрлерін, сондай-ақ қазіргі қоғамның өзекті мәселелерін бейнелейтін үш көркем фильм ұсынылды.
Кино күндерінің ашылуы 12 қазанда қазақтың көрнекті әншісі Әміре Қашаубаевтың өмірі мен шығармашылығына арналған «Әміре» тарихи-өмірбаяндық фильмінің көрсетілімімен өтті. Әміре Қашаубаев Еуропада халықаралық мойындауға ие болған қазақ музыкалық өнерінің алғашқы өкілдерінің бірі ретінде танымал.
13 қазанда жеке таңдау, жауапкершілік, адами қарым-қатынас және адамгершілік құндылықтар мәселелерін қозғайтын «Қайтадан» («Рестарт») атты заманауи қазақстандық драманың көрсетілімі ұйымдастырылды.
14 қазанда Қазақстан киносының күндері «Анаға апарар жол» тарихи драмасының көрсетілімімен қорытындыланды. Фильмде қазақ халқы тарихындағы қайғылы оқиғалар аясында аналық махаббаттың құдіреті, адам рухының беріктігі және адам тағдырының күрделі қырлары көрініс тапқан.
Іс-шаралар бағдарламасының басты оқиғасы 13 қазанда өткен салтанатты рәсім мен ресми қабылдау болды. Оған дипломатиялық корпус өкілдері, Мажарстанның мемлекеттік және қоғамдық қайраткерлері, іскерлік және мәдени орта өкілдері, қазақстандық диаспора мүшелері мен студенттер қатысты.
Қонақтарға Қазақстан Республикасының Мажарстандағы Төтенше және Өкілетті Елшісі Анель Бақытбекқызы құттықтау сөз сөйледі.
Өз сөзінде Елші мәдениет пен кинематографияның халықтар арасындағы өзара түсіністік пен сенімді нығайтуға, достық байланыстарды дамытуға ықпал ететін қоғамдық дипломатияның маңызды құралдары ретіндегі рөлін атап өтті.
Сонымен қатар қазақстандық киноның ұлттық дәстүрлер мен заманауи көркемдік тәсілдерді үйлестіре отырып, шетелдік көрермендерге Қазақстанның тарихын, мәдениетін және рухани құндылықтарын тереңірек тануға мүмкіндік беретіні атап өтілді.
Елші Қазақстан мен Мажарстан арасындағы дәстүрлі достық қатынастардың өзара құрметке, тарихи-мәдени жақындыққа және көпсалалы ынтымақтастықты одан әрі кеңейтуге деген ортақ ұмтылысқа негізделгенін атап өтті.
Осы тұрғыда мәдени-гуманитарлық байланыстарды дамыту, шығармашылық қауымдастықтар арасындағы ынтымақтастықты нығайту және бірлескен мәдени бастамаларды іске асыру Қазақстан мен Мажарстан арасындағы әріптестікті одан әрі тереңдетудің маңызды бағыттары болып табылады.
Іс-шараның маңыздылығын арттырған жайттардың бірі – қазақстандық киноиндустрия өкілдерінің Будапештке арнайы келіп, мажар көрермендерімен және мәдениет саласының өкілдерімен тікелей жүздесуі болды.
Құрметті қонақтар қатарында «Әміре» фильмінде басты рөлді сомдаған танымал қазақстандық актер Санжар Мәди, «Қайтадан» фильмінің продюсері Жалын Тлеубергенов, сондай-ақ Шәкен Айманов атындағы «Қазақфильм» киностудиясының дистрибуция және маркетинг бөлімінің жетекшісі Гүлзат Шуренова-Қалишук болды.
Қазақстандық киноиндустрия өкілдерінің қатысуы көрермендерге заманауи ұлттық кинематографияның даму үрдістерімен, фильм өндірісінің ерекшеліктерімен және қазақстандық туындыларды халықаралық деңгейде ілгерілету перспективаларымен танысуға мүмкіндік берді.
Қазақстан киносының күндеріне 200-ден астам қонақ қатысты. Олардың қатарында Мажарстанның мемлекеттік және қоғамдық құрылымдарының, дипломатиялық корпустың, іскерлік және мәдени ортаның өкілдері, қазақстандық диаспора мүшелері мен студент жастар болды.
Көрсетілген фильмдер көрермендердің қызығушылығын тудырып, қазақстандық кинематографияның жан-жақтылығын, ұлттық тарихтың маңызды кезеңдерін бейнелеумен қатар, халықаралық аудиторияға ортақ жалпыадамзаттық құндылықтарды дәріптеу мүмкіндігін көрсетті.
Будапештте Қазақстан киносы күндерінің өткізілуі екі ел арасындағы мәдени байланыстарды дамытудағы маңызды оқиғаға айналды. Аталған іс-шара гуманитарлық байланыстарды кеңейтуге, екі халықтың мәдени мұрасына деген өзара қызығушылықты арттыруға және Мажарстанда Қазақстанның танымалдылығын нығайтуға ықпал етті.
Мажарстанның Дебрецен қаласының әкімі Ласло Папп бастаған делегация Шымкент қаласына сапармен келді. Сапар аясында екі қаланың іскерлік топтарының өкілдері қатысқан бизнес-форум өтіп, онда сауда-экономикалық және инвестициялық ынтымақтастықтың перспективалық бағыттары, сондай-ақ бірлескен жобаларды іске асыру мүмкіндіктері талқыланды. Форум жалғасы ретінде екіжақты B2B кездесулер ұйымдастырылып, олардың барысында екі қаланың кәсіпкерлері өз жобаларын таныстырып, серіктестіктің ықтимал бағыттарын талқылады.
Бағдарламаның маңызды бөлігі Дебрецен қаласының әкімі Ласло Папптың Шымкент қаласының әкімі Ғабит Сыздықбековпен кездесуі болды. Тараптар экономика, инвестициялар, білім беру және гуманитарлық салалардағы өзара іс-қимылды кеңейту, қалалық инфрақұрылымды дамыту және қолайлы іскерлік орта қалыптастыру бағыттарында тәжірибе алмасу мәселелерін талқылады.
Қалалар арасындағы тікелей байланыстарды дамытуға ерекше назар аударылды. Перспективалық бастамалардың қатарында Дебреценде Шымкент күндерін өткізу және Дебрецен университетінің Шымкентте филиалын ашу ұсыныстары бар.
«Дебрецен - Мажарстанның жетекші білім беру, ғылыми және экономикалық орталықтарының бірі. Оның тәжірибесі Шымкент үшін қызығушылық тудырады, ал бауырлас қала қатынастарын орнату бірлескен жобалар мен жаңа іскерлік байланыстарды дамыту үшін қосымша мүмкіндіктер ашады», - деді қала әкімі.
Кездесу қорытындысы бойынша Шымкент пен Дебрецен арасында бауырлас қала қатынастарын орнату туралы меморандумға қол қойылды. Құжат екі қала арасындағы тығыз байланыстарды дамытуға және түрлі салаларда бірлескен бастамаларды іске асыруға негіз қалайды.
Тағы бір маңызды шара қалалық Дендросаябақта Дебрецен қаласының әкімі мен іскерлік қоғамдастық өкілдерінің қатысуымен ағаш отырғызу рәсімі болды. Аталған акция қалалар арасындағы достықтың және ұзақ мерзімді әріптестікке деген ұмтылыстың белгісіне айналды.
Сапар барысында Ласло Папп жергілікті бұқаралық ақпарат құралдарына сұхбат беріп, бауырлас қала қатынастарын орнатудың маңызы мен Дебрецен мен Шымкент арасындағы одан әрі байланыстардың перспективалары туралы айтты.
Будапешт, 2026 жылғы 30 қыркүйек - «Шандор» президент сарайында Қазақстан Республикасының Мажарстандағы Төтенше және Өкілетті Елшісі Анель Бақытбекқызының Мажарстан Республика Президенті Андраш Балинт Бакаға сенім грамоталарын тапсыру салтанатты рәсімі өтті.
Рәсім аяқталғаннан кейін екіжақты кездесу өтіп, оның барысында Елші Мажарстан Республика Президентіне Қазақстан Республикасының Президенті Қасым-Жомарт Тоқаевтың ыстық сәлемі мен ізгі тілектерін жеткізді.
Әңгімелесу барысында Қазақстан-Мажарстан ынтымақтастығының кең ауқымды мәселелері қарастырылды. Тараптар стратегиялық әріптестікті одан әрі нығайтуға, белсенді саяси диалогты жалғастыруға, сондай-ақ сауда-экономикалық, инвестициялық, мәдени-гуманитарлық және білім беру салаларындағы практикалық өзара іс-қимылды кеңейтуге өзара мүдделілігін растады.
Қазақстан мен Мажарстан арасындағы қарым-қатынастар дәстүрлі достық байланыстар мен екі халықтың тарихи жақындығына негізделетіні атап өтілді. Тараптар стратегиялық әріптестікті нақты бірлескен жобалар мен бастамалармен одан әрі толықтырудың маңыздылығын атап өтті.
Жаңа өзара тиімді жобаларды іске асыруға, сондай-ақ жоғары және аса жоғары деңгейлердегі алдағы екіжақты сапарларды дайындау перспективаларына ерекше назар аударылды. Осы тұрғыда 2027 жылы Қазақстан мен Мажарстан арасында дипломатиялық қатынастардың орнағанына 35 жыл толуына байланысты бірлескен іс-шаралар мен бастамаларды жүзеге асырудың маңыздылығы атап өтілді.
Сондай-ақ халықаралық және өңірлік күн тәртібіндегі өзекті мәселелер, оның ішінде Қазақстан мен Еуропалық одақ арасындағы қатынастарды дамыту, сондай-ақ «Орталық Азия - Еуропалық одақ» форматындағы өзара іс-қимыл мәселелері бойынша пікір алмасылды. Орталық Азия мен Еуропа арасындағы сауда-экономикалық, инвестициялық және көлік-логистикалық байланыстарды одан әрі нығайтудағы Қазақстан мен Мажарстанның әлеуетті рөлі атап өтілді.
Елші Мажарстан Қазақстанның Еуропалық одақтағы жақын әрі сенімді стратегиялық әріптестерінің бірі екенін атап өтіп, екіжақты ынтымақтастықты, оның ішінде экономикалық, мәдени-гуманитарлық, білім беру салаларында және халықтық дипломатия желісі бойынша одан әрі кеңейтуге жәрдемдесуге дайын екенін білдірді.
Кездесу барысында Елші сондай-ақ Мажарстан Республика Президентін 2026 жылы Қазақстанда жүзеге асырылып жатқан институционалдық өзгерістер туралы, оның ішінде жаңа Конституцияның күшіне енуі, «Қазақстан Халық Кеңесінің» құрылуы, Вице-президент лауазымының енгізілуі, сондай-ақ 2026 жылғы 23 тамызда Қазақстан Республикасы Құрылтайы депутаттарының сайлауы өткені жөнінде хабардар етті.
Андраш Балинт Бака Қазақстан Президенті Қасым-Жомарт Тоқаевқа ізгі тілектерін жеткізіп, Қазақстан-Мажарстан қатынастарының стратегиялық сипатын атап өтті және Қазақстанның Мажарстанның Орталық Азиядағы сенімді әріптесі ретіндегі маңызын ерекше атап көрсетті.
Мажарстан Республика Президенті Анель Бақытбекқызын дипломатиялық миссиясының ресми басталуымен құттықтап, екіжақты байланыстарды одан әрі нығайтуға, сондай-ақ сауда-экономикалық және инвестициялық ынтымақтастықтың жаңа бағыттарын ашуға бағытталған қызметіне табыс тіледі.
Рәсімнен кейін өткен кездесулер аясында Елші Мажарстан Сыртқы істер министрлігінің екіжақты қатынастар жөніндегі мемлекеттік хатшысы Клара Бреуермен және Мажарстан Президенті Кеңсесінің Қоғамдық және халықаралық байланыстар дирекциясының басшысы Дьердь Керекешпен де сұхбаттасты. Тараптар Қазақстан-Мажарстан қатынастарының қазіргі жай-күйі жөнінде пікір алмасып, екі ел арасындағы стратегиялық ынтымақтастықты одан әрі нығайту перспективаларын талқылады.
Кездесу соңында Елші Мажарстан Республика Президентіне жылы қабылдауы және мазмұнды пікір алмасуы үшін алғыс білдіріп, Қазақстан-Мажарстан стратегиялық әріптестігін одан әрі нығайтуға және екі ел арасындағы өзара тиімді ынтымақтастықты кеңейтуге бар күш-жігерін жұмсауға дайын екенін растады.
Сенім грамоталарын тапсыру рәсімі мен екіжақты кездесуден кейін Елші «Шандор» сарайындағы Мажарстан Президенті Кеңсесінің Құрметті қонақтар кітабына естелік жазба қалдырды.
Нью-Йорк, 22 қыркүйек 2026 г. - БҰҰ Бас Ассамблеясының 81- сессиясының жоғары деңгейлі аптасының бірінші күнінде ҚР Сыртқы істер министрі Мұхтар Тілеуберді бірқатар екіжақты кездесулер өткізіп, көпжақты іс-шараларға қатысты.
Сессия барысында Мажарстан Сыртқы істер министрі Анита Орбан, Молдова Сыртқы істер министрі Михай Попшой, Польша Сыртқы істер министрі Радослав Сикорский, Словения Сыртқы істер министрі Тоне Кайзер, Украина Сыртқы істер министрі Андрей Сибига және Эль-Сальвадор Сыртқы істер министрі Александра Хилл Тинокомен келіссөздер өткізілді. Кездесулер барысында екіжақты ынтымақтастықтың ағымдағы мәселелері, саяси диалог пен сауда-экономикалық байланыстарды кеңейту перспективалары талқыланды, сондай-ақ негізгі халықаралық және өңірлік мәселелер бойынша пікір алмасты.
БҰҰ Сауда және даму жөніндегі комиссиясының (ЮНКТАД) Бас хатшысы, БҰҰ Бас хатшысы лауазымына кандидат Ребекка Гринспан мен ЮНЕСКО Бас директоры Халед әл-Ананимен жеке кездесулер өтті.
Тараптар көпжақты ынтымақтастықты нығайту, халықаралық институттардың тиімділігін арттыру және Қазақстанның БҰҰ құрылымдарымен өзара іс-қимылын жалғастыру мәселелерін талқылады.
Көпжақты бағдарлама аясында Қазақстан сыртқы саяси ведомствосының басшысы БҰҰ-ның даму перспективаларына және оның қазіргі заманғы жаһандық сын-қатерлерге бейімделуіне арналған «Renewal and Focus: The UN We Need 5 Years from Now» атты министрлік кездесуге қатысты.
Бірінші күннің маңызды нәтижесі Қазақстан Республикасы мен Орталық Африка Республикасы арасында дипломатиялық қарым-қатынастардың орнауы болды. Екі елдің сыртқы саяси ведомстволарының басшылары екіжақты байланыстарды дамытуға және халықаралық алаңдардағы өзара іс-қимылға деген өзара мүдделерін растайтын тиісті Бірлескен коммюникеге қол қойды.
Бірінші күннің тығыз бағдарламасы екіжақты ынтымақтастықты кеңейтуге, көпжақты дипломатияны нығайтуға және БҰҰ шеңберіндегі өзара іс-қимылдың тиімділігін арттыруға бағытталған Қазақстанның сыртқы саясатының басымдықтарын іс жүзінде жүзеге асыруды жалғастырды.
Будапешт, 2026 жылғы 23 қыркүйек – Қазақстан Республикасының Мажарстандағы Елшісі А.Бақытбекқызының «MOL Group» компаниялар тобының барлау және өндіру жөніндегі Атқарушы вице-президенті Ж.Мартонмен кездесуінде Қазақстан Республикасы мен «MOL Group» арасындағы ынтымақтастықты одан әрі дамыту және нығайту перспективалары талқыланып, сондай-ақ тараптардың өзара қызығушылығын тудыратын және екі тарап үшін де практикалық маңызы бар бағыттар бойынша пікір алмасылды.
Кездесу барысында «ҚазМұнайГаз» ұлттық компаниясы мен «MOL Group» арасындағы стратегиялық ынтымақтастыққа, оның ішінде мұнай-газ саласындағы өзара іс-қимылды одан әрі дамыту мәселелеріне және қазақстандық энергетикалық ресурстарды Мажарстанға жеткізу мүмкіндіктеріне ерекше назар аударылды.
Тараптар энергетикалық ынтымақтастықты одан әрі нығайтудың және энергетикалық ресурстар жеткізу көздерін әртараптандырудың маңыздылығын атап өтіп, өзара тиімді бағыттар бойынша сындарлы өзара іс-қимылды жалғастыруға қызығушылықтарын білдірді.
Сондай-ақ, кездесу барысында «MOL Group» компаниясының Қазақстандағы ірі энергетикалық жобаларға қатысу перспективалары және екі компания арасындағы ынтымақтастықты одан әрі кеңейту мәселелері талқыланды.
Кездесу қорытындысы бойынша тараптар стратегиялық әріптестікті одан әрі дамытуға және энергетика саласындағы өзара тиімді ынтымақтастықты нығайтуға мүдделіліктерін растады.
«MOL Group» компаниялар тобы Еуропадағы жетекші мұнай-газ концерндерінің бірі болып табылады және көптеген жылдар бойы Қазақстандағы өз қатысуын дәйекті түрде дамытып келеді. Компания еліміздегі мұнай-газ жобаларын іске асыруға, оның ішінде Батыс Қазақстан облысындағы Рожковское кен орнын игеруге қатысады. Бұл қазақстандық-мажар энергетикалық ынтымақтастығының маңызды құрамдас бөлігі болып табылады және қазақстандық және мажарлық әріптестер арасындағы өзара іс-қимылды одан әрі кеңейтуге негіз қалыптастырады.
Будапешт, 2026 жылғы 18 қыркүйек – Қазақстан Елшісі Анель Бақытбекқызы мажарстандық Naturtex Kft. компаниясының басқарушы директоры әрі тең иесі Балаш Геллертпен кездесу өткізді.
Кездесу барысында тараптар Naturtex компаниясының Қазақстандағы қызметін кеңейту перспективаларын және қазақстандық және мажар серіктестерімен бірлескен инвестициялық жобаларды іске асыру мүмкіндіктерін талқылады.
Naturtex – қаз және үйрек мамығы мен қауырсынын өңдеуге, сондай-ақ үйге арналған тоқыма өнімдерін өндіруге маманданған мажар отбасылық компаниясы. Компанияның өнімдері халықаралық нарықтарда ұсынылған.
Naturtex бірнеше жылдан бері Қазақстаннан мамық пен қауырсын сатып алып келеді. Қазіргі кезеңде компания сауда ынтымақтастығынан Қазақстан аумағындағы неғұрлым терең өндірістік кооперацияға көшуге мүдделі.
Атап айтқанда, Naturtex әлеуетті қазақстандық және мажар серіктестерімен бірлесіп, Қазақстанда су құстарын өсіру саласындағы толық өндірістік циклді қалыптастыру мүмкіндігін қарастыруда. Ол қаз өсіру мен тиісті шикізат базасын қалыптастырудан бастап, етті өңдеуді, сондай-ақ мамық пен қауырсынды жеке өңдеуді қамтиды. Болашақта Қазақстанда дайын тоқыма өнімдерін өндіруді ұйымдастыру мүмкіндігі де қарастырылуда.
Осындай кешенді өндірістік тізбекті құру Қазақстанда шикізатты терең өңдеуге, өндірілетін өнімнің қосылған құнын арттыруға және, оның ішінде ауылдық жерлерде, көптеген жаңа жұмыс орындарын құруға мүмкіндік береді.
Елші жобаны іске асыруға мұндай кешенді тәсіл Қазақстанның ауыл шаруашылығы өнімдерін терең өңдеуді дамыту, заманауи технологияларды тарту, өндірістік кооперацияны кеңейту және қосылған құны жоғары экспортқа бағдарланған өнім өндірісін ұлғайту жөніндегі басымдықтарына сәйкес келетінін атап өтті.
Кездесу барысында «KAZAKH INVEST» ҰК» АҚ тарапынан бастаманы одан әрі сүйемелдеуге, оның ішінде әлеуетті серіктестермен, тиісті мемлекеттік органдармен, салалық ұйымдармен және өңірлік әкімдіктермен өзара іс-қимыл мәселелеріне ерекше назар аударылды.
Кездесу қорытындысы бойынша тараптар жобаны іске асырудың оңтайлы моделін айқындау және оны практикалық тұрғыдан одан әрі пысықтау бойынша бірлескен жұмысты жалғастыруға уағдаласты.
2026 жылғы 2–3 қазанда өтетін II Бірлескен коллоквиумды, сондай-ақ 7 қазанда өтетін Хатшылықтың XXIV отырысын ақпараттық тұрғыдан жариялауға ниетті шетелдік бұқаралық ақпарат құралдарының өкілдерін аккредиттеу басталды.
Аталған іс-шараларға қатысуға және оларды жариялауға мүдделі шетелдік БАҚ өкілдеріне тиісті аккредиттеу нысанын толтыру ұсынылады.
Аккредиттеуге өтінімдерді қабылдаудың соңғы мерзімі өзгергеніне назар аударамыз. «Конфессияаралық және дінаралық диалогтың халықаралық орталығы» КЕАҚ ақпаратына сәйкес, өтінімдерді қабылдаудың соңғы мерзімі 2026 жылғы 15 қыркүйек.
Будапешт, 2026 жылғы 14 қыркүйек - Қазақстанның дзюдодан ұлттық құрамасы 11–13 қыркүйек аралығында Мажарстан астанасында өткен «Hungary Grand Slam 2026» халықаралық турниріне қатысты.
Жарысқа әлемнің 67 елінен 504 спортшы қатысты. Ласло Папп атындағы спорт аренасында ерлер мен әйелдер арасында жеті-жетіден, жалпы 14 салмақ дәрежесінде медальдар сарапқа салынды. «Hungary Grand Slam» турнирі Халықаралық дзюдо федерациясының («IJF») ресми күнтізбесіне енгізілген және «IJF World Judo Tour» әлемдік турының маңызды кезеңдерінің бірі болып табылады.
Аталған турнирде Қазақстан намысын 12 дзюдошы қорғады, олардың ішінде 10 ер және 2 әйел спортшы бар. Іс-шара аясында Қазақстан Республикасының Мажарстандағы Төтенше және Өкілетті Елшісі Анель Бақытбекқызы ұлттық құрама мүшелерімен кездесіп, спортшыларға алдағы уақытта зор табыс пен халықаралық аренада жаңа жетістіктер тіледі.
Турнир алаңында Елші Халықаралық дзюдо федерациясының Президенті Мариус Визермен және Халықаралық дзюдо федерациясы («IJF») Президентінің кеңесшісі Алмаз Әлсеновпен кездесу өткізді.
Кездесу барысында тараптар Қазақстан мен Халықаралық дзюдо федерациясы арасындағы ынтымақтастықты одан әрі дамыту, дзюдо спортын кеңінен насихаттау, жаттықтырушылар мен төрешілер құрамын даярлау, сондай-ақ елімізде ірі халықаралық жарыстар өткізу мәселелері бойынша пікір алмасты.
Астанада 2027 жылы өтетін дзюдодан әлем чемпионатына дайындық мәселелері жеке қаралды. Қазақстан алғаш рет ересектер арасындағы жеке және командалық біріншіліктер бойынша әлем чемпионатын қабылдайды. Бұл беделді дода әлемнің ең мықты дзюдошыларын жинап, 2028 жылы Лос-Анджелесте өтетін жазғы Олимпиада ойындарына апарар олимпиадалық циклдің маңызды кезеңдерінің біріне айналады.
Сонымен қатар, Астанада халықаралық деңгейдегі жаттықтырушылар мен төрешілерді даярлауға бағытталған өңірлік алаң ретінде «IJF» академиясын ашу перспективалары талқыланды.
Кездесуге қатысушылар Қазақстанда дзюдо спортының қарқынды дамып келе жатқанын атап өтті. Қазіргі таңда елімізде бұл спорт түрімен 160 мыңнан астам ересек пен бала айналысады. «Мектептегі дзюдо» бағдарламасы іске асырылып, дзюдоның жоғары және әскери білім беру жүйесіндегі орны кеңейіп келеді. Сондай-ақ жаттықтырушылар мен төрешілердің кәсіби деңгейін арттыру бағытында жүйелі жұмыс жүргізілуде.
Кездесу соңында Елші Қазақстанның Халықаралық дзюдо федерациясымен өзара іс-қимылды одан әрі нығайтуға және бұқаралық әрі кәсіби спортты дамытуға бағытталған бірлескен бастамаларды іске асыруға мүдделі екенін атап өтті.
Анықтама: 2023 жылдан бастап Астанада Халықаралық дзюдо федерациясының ресми күнтізбесіне енгізілген «Qazaqstan Barysy Grand Slam» халықаралық рейтингтік турнирі өткізіліп келеді.
2027 жылы Қазақстан бірқатар ірі халықаралық спорт жарыстарын қабылдайды. Олардың қатарында бокс, үстел теннисі, дзюдо, таеквондо және киберспорт бойынша әлем чемпионаттары, сондай-ақ шорт-тректен жасөспірімдер арасындағы әлем чемпионаты бар.
Полгарди қ., 2026 жылғы 11 қыркүйек - Қазақстан Республикасының Мажарстандағы Төтенше және Өкілетті Елшісі Анель Бақытбекқызы Будапешттен шамамен 80 шақырым жерде орналасқан Полгарди қаласындағы кеңестік әскери зираттың жөндеуден кейінгі салтанатты ашылу рәсіміне қатысты.
Іс-шараға Ресей, Беларусь, Әзербайжан және Қырғызстан дипломатиялық өкілдіктерінің басшылары мен қызметкерлері, сондай-ақ қоғамдық ұйымдардың өкілдері қатысты. Мажар тарапы атынан Полгарди қаласының мэрі Ласло Ньикош және Мажарстан Қорғаныс министрлігінің Әскери тарих институты мен музейінің өкілдері қатысты.
Рәсімге қатысушылар Екінші дүниежүзілік соғыс жылдарында қаза тапқан кеңес жауынгерлерін еске алып, мемориалға гүл шоқтары мен гүлдер қойды.
Бұл іс-шараның Қазақстан үшін ерекше маңызы бар. Әскери зиратта жерленгендердің арасында Қазақстанда туған жеті әскери қызметшінің есімі анықталған. Олар - гвардия лейтенанты Тұрсынбек Игимбетов, гвардия лейтенанты Нурадин Бурашев, гвардия кіші лейтенанты Обан Джумабеков, гвардия қатардағы жауынгері Адыльбегуй Атбер, қатардағы жауынгер Каби Иргалиев, қатардағы жауынгер Ардаш Мадаян және ефрейтор Иван Станкевич.
Елші Анель Бақытбекқызы қаза тапқан қазақстандық жауынгерлердің рухына тағзым етіп, бауырластар зиратына гүл шоғын қойды.
Анықтама: Полгарди қаласындағы кеңестік әскери зират - 1944-1945 жылдары Мажарстан аумағындағы ұрыс қимылдары кезінде қаза тапқан Қызыл армия әскери қызметшілері жерленген орындардың бірі. Мемориалдық кешен бауырластар және жеке қабірлерден, сондай-ақ алдында кеңес жауынгерінің мүсіні орнатылған орталық обелисктен тұрады.
Жалпы, Мажарстанның барлық 19 облысы мен Будапешт қаласында Екінші дүниежүзілік соғыс кезеңіне жататын 800-ден астам кеңестік әскери жерлеу орны бар. Оларда 1944-1945 жылдары қаза тапқан Қызыл армияның 140 мыңнан астам солдаты мен офицері жерленген.
Біз, Орталық Азиядағы ядролық қарудан азат аймақ туралы шартқа қатысушы мемлекеттердің Cыртқы істер министрлері (бұдан әрі – ОАЯҚАА туралы шарт), Семейде ОАЯҚАА туралы шартқа қол қойылғанына 20 жыл толуына орай,
адамзаттың ядролық қарудан азат әлемге қол жеткізу жөніндегі ортақ мақсатына деген бейілдігімізді растай отырып және ядролық қаруды кез келген қолданудың немесе сынаудың апатты гуманитарлық салдарын сезіне отырып,
ядролық қарудан азат аймақтарды құру ядролық қарудың таралуының алдын алудың және жаһандық қарусыздану процесін нығайтудың ең күшті әмбебап құралдарының бірі екенін атап көрсетіп,
Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы арасындағы ХХІ ғасырда Орталық Азияда даму мақсатындағы достық, тату көршілік және ынтымақтастық туралы шарттың өңірдегі бейбітшілік пен қауіпсіздікті нығайту ісіндегі маңыздылығын атап өтіп,
Орталық Азияда ядролық қарудан азат аймақ құру идеясы алғаш рет Өзбекстан Республикасы тарапынан 1993 жылғы қыркүйекте БҰҰ Бас Ассамблеясының 48-сессиясында ұсынылғанын еске сала отырып,
Орталық Азияда ядролық қарудан азат аймақ құру өңір елдерінің күш-жігерін шоғырландырудың табысты үлгісі екеніне сенімді бола отырып және бұл ядролық қаруды таратпау режимі мен ядролық қарусыздану процесін, өңірлік және халықаралық бейбітшілік пен қауіпсіздікті нығайту жолындағы, сондай-ақ атом энергиясын бейбіт мақсатта пайдалану және радиоактивті ластанудан зардап шеккен аумақтарды экологиялық сауықтыру саласындағы ынтымақтастықты дамытудағы маңызды қадам болғанын атап көрсетіп,
Семей ядролық сынақ полигонының жабылғанына отыз бес жыл толуын және Ядролық сынақтарға жаппай тыйым салу туралы шарттың қол қою үшін ашылғанына отыз жыл толуын құптай отырып, сондай-ақ планетаның барлық өңірлеріндегі ядролық жарылыстар мен олардың салдарынан зардап шеккен көптеген құрбандардың рухына тағзым ете отырып,
төмендегіні мәлімдейміз: 1. 2006 жылғы 8 қыркүйекте Семей қаласында Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы қол қойған өзінің тарихи маңызы зор ОАЯҚАА туралы шартқа деген бейілділігімізді тағы да растаймыз. Өңірде қауіпсіздікті, тұрақтылықты және бейбітшілікті қамтамасыз етуге ұмтылған Орталық Азияның барлық бес мемлекетінің ұжымдық күш-жігерінің нәтижесі бола отырып, сондай-ақ Солтүстік жарты шарда толығымен орналасқан және ядролық қаруға ие екі мемлекетпен тікелей шектесетін алғашқы әрі жалғыз осындай аймақ болып қала отырып, Семей шарты жаһандық қарусыздану және ядролық қаруды таратпау режимін нығайтуда маңызды рөл атқаруын жалғастырып, Орталық Азияның бір кездері ядролық қару белсенді түрде сыналған және орналастырылған өңірден ядролық қарусыздандыру жөніндегі жаһандық күш-жігер көшбасшыларының біріне айналуының символдық үлгісі ретінде қызмет етеді. 2. Ядролық қаруды таратпау туралы шарттың (ЯҚТШ) ядролық қарудың таралуын болдырмауға және түптеп келгенде оны толық жоюға бағытталған халықаралық күш-жігердің іргетасы ретіндегі шешуші рөлін растаймыз. Осыған байланысты ЯҚТШ-ға қатысушы мемлекеттердің Он бірінші шолу конференциясының мазмұнды қорытындылар қабылдамай аяқталғанына өкініш білдіреміз. Бұл ядролық қарусыздану және таратпау саласындағы сақталып отырған келіспеушіліктер мен сенім тапшылығын көрсетеді. ЯҚТШ-ның барлық қатысушыларын өзара байланысты және бірін-бірі толықтыратын үш тірек – ядролық қарусыздану, таратпау және атом энергиясын бейбіт мақсатта пайдалану бойынша міндеттемелерді тиімді жүзеге асыру жөніндегі келіссөздерді адал ниетпен жалғастыруға шақырамыз.
Қарусыздану және таратпау мәселелері бойынша ақпараттандырудың бейбітшілік, сенім және жауапкершілік мәдениетін қалыптастырудағы маңызды рөлін атап көрсетеміз және жастарды қарусыздану мен халықаралық қауіпсіздік мәселелерін талқылауға тартудың ерекше маңыздылығын атап өтеміз. Қырғыз Республикасы бастамашылық еткен, жыл сайын 5 наурызда – ЯҚТШ күшіне енген күні символдық түрде атап өтілетін Қарусыздану және таратпау мәселелері жөніндегі ақпараттандырудың халықаралық күнін, сондай-ақ онымен байланысты өңірлік білім беру бастамаларын одан әрі ілгерілетуді қолдаймыз.
Осыған байланысты БҰҰ-ның Қарусыздану және таратпау саласындағы ақпараттандыру мәселелері жөніндегі зерттеуінде, сондай-ақ БҰҰ Бас хатшысының қарусыздану саласындағы «Біздің ортақ болашағымызды қамтамасыз ету: қарусыздану саласындағы күн тәртібі» (Securing Our Common Future: An Agenda for Disarmament) атты күн тәртібінде қамтылған ұсынымдардың өзектілігін атап өтеміз.