Қазақстан мен Мажарстан экономикалық ынтымақтастықты нығайтуда: Қазақстан Елшісі мажар Сауда-өнеркәсіп палатасының Вице-президентімен кездесуі

Будапешт, 2024 жылғы 29 қазан – Қазақстан Республикасының Мажарстандағы Елшісі Абзал Сапарбекұлы экономикалық ынтымақтастық перспективаларын талқылау және екіжақты байланыстарды нығайту мақсатында Мажарстан Сауда-өнеркәсіп палатасының (HCCI) Вице-президенті Андраш Ревпен кездесу өткізді.

Кездесу барысында сауда-экономикалық өзара іс-қимыл көлемін ұлғайту жолдары, сондай-ақ мажарлық компаниялар үшін Қазақстан нарығындағы инвестициялық мүмкіндіктер талқыланды. Мажар-Түрік комитетінің төрағасы және HCCI Халықаралық комитетінің мүшесі болып табылатын Андраш Рев Қазақстанның Орталық Азиядағы стратегиялық серіктес ретіндегі маңыздылығын атап өтті.

Тараптар ынтымақтастықты кеңейтуге қызығушылық білдіріп, екі елдің іскер топтары арасындағы өзара іс-қимылды тереңдетуге мүмкіндік беретін бірлескен бизнес-шаралар мен сауда миссияларын өткізу мүмкіндігін талқылады. Кездесу екі тараптың өзара тиімді жобаларды дамытуға және экономикалық байланыстарды нығайтуға деген міндеттемесін растады.