Қазақстан мен Мажарстан мәдени мұра саласындағы ынтымақтастыққа мүдделі

Будапешт, 2023 жылғы 2 ақпан – Қазақстанның Мажарстандағы Елшісі Жәнібек Әбдрашов Мажарстанның Халық шығармашылығы мұрасы үйінің бас директоры Миклош Ботпен кездесті.

Кездесуде екі ел арасындағы мәдениет саласындағы қарым-қатынасты одан әрі нығайту мәселелері талқыланды.

Жәнібек Әбдрашов Мажарстанмен халықаралық мәдени өзара іс-қимыл Қазақстанның назарында екенін атап өтті.

Өз кезегінде Миклош Бот Мажарстан тарапының мәдениет саласындағы ынтымақтастықтың түрлі аспектілерін қарастыруға дайын екенін айтты.

Кездесу барысында тараптар елдеріміз арасындағы жалпы тарихи және мәдени байланыстардың екіжақты стратегиялық әріптестікті одан әрі дамытуға әсері туралы мәселені талқылады.

Айта кететін жайт, ұлттық мекеме 2001 жылғы 1 қаңтарда Мажарстанның мәдени дәстүрлерін сақтау үшін құрылған.