Мажарлық саяхатшы блогер Питер Суч Қазақстанға келді

Мажар блогері Питер Суч Қазақстан Республикасының елордасы Нұр-сұлтан қаласында, сондай-ақ Алматы, Түркістан қалаларында болды.

Бір апталық сапары барысында Петер Суч қазақ мәдениетімен, Қазақстан тарихымен, ұлттық тағамдарымен және ежелгі көшпенділердің шынайы өмір салтымен танысты. Саяхатшы блогер Қазақстан астанасын өз тарихы бар заманауи, мәдени қала ретінде сипаттады. Жергілікті гидтердің басшылығымен блогер Нұр-Cұлтан қаласының құрылу тарихымен танысты. Елордада Питер Суч Бәйтерек, ұлттық мұражайлар, саябақтар сияқты мәдени орындарға, сондай-ақ EXPO павильонына барды. Сапар барысында Петер Суч Мажарстанда оқыған қазақстандық студенттермен де кездесті.

Алматы қаласының шетінде Питер Суч Шынбұлаққа барып, Қазақстан табиғатының сұлулығына таң қалды. Атқа міну шебері Лилия Уварованың жетекшілігімен Петер Суч атқа мініп, қазақтың ұлттық тағамдарының дәмін татты. Алматының өзінде мажар блогері жергілікті базарға барып, онда алманың жергілікті сортының дәмін татты.

Қазақстанның мәдени астанасы Түркістан қаласында Петер Суч Қожа Ахмет Яссауи кесенесіне барды. Түркістан қаласында Петер Суч жергілікті тұрғындармен сөйлесіп, өнер шеберлері өкілдерімен танысты. Блогер өзінің Instagram парақшасында жарияланымдарымен бөлісті, онда қазақ халқының қонақжайлылығын ерекше атап өтті. Қазақстанға сапарынан кейін Мажар блогері Питер Сух қазақ халқының қонақжайлығынан, ұлттық мәдениетінен, Қазақстанның ұлы тарихынан, сондай-ақ Нұр-Сұлтан, Алматы және Түркістан қалаларының сұлулығынан әсер алды.