Румынияда «Жаңа Қазақстан» дөңгелек үстелі өтті

2022 жылғы 17 наурыз, Констанца қаласы - ірі әкімшілік орталығы-Констанца қаласында «Жаңа Қазақстан» дөңгелек үстелі өтті, оның жұмысына қала басшылығы, сондай-ақ бизнес және қоғамдық ұйымдар, өңірлік БАҚ өкілдерінің кең ауқымы қатысты.

Іс-шараға қатысушылар Президент Қасым-Жомарт Тоқаевтың бастамасымен қолға алынған әлеуметтік-экономикалық реформалардың жүзеге асырылу барысы туралы толық ақпараттандырылды. Атап айтқанда, Президенттің 2022 жылғы 16 наурыздағы Қазақстан халқына Жолдауына, суперпрезиденттік формадан күшті парламенті бар президенттік республикаға көшу сияқты маңызды саяси бастамаларға басты назар аударылды, бұл елдің одан әрі дамуына және қоғамымызды демократияландыруға ықпал ететін болады.

Сонымен қатар, Президенттің саяси бәсекелестікті арттыру жөніндегі бастамалары кеңінен қолдау тапты: Мемлекет басшысын өз өкілеттіктерін жүзеге асыру кезеңінде партиядан шығару, Парламенттің төменгі палатасын аралас схема бойынша қалыптастыру және партияларды тіркеу рәсімін оңайлату.

Дөңгелек үстелдің жеке тақырыбы Қазақстанда өткен қайғылы қаңтар оқиғаларының себептері мен салдарын талқылау болды (оқиғалар туралы деректі фильм көрсетілді).

Дөңгелек үстел барысында іс-шараға қатысушылар энергетика, туризм және мәдениет саласындағы Қазақстан-Румыния өзара іс-қимылын кеңейту жөніндегі жаңа бағыттарды белгілеп, инвестициялық және экономикалық ынтымақтастықтың жай-күйі мен перспективаларын талқылады.

Биыл елдер дипломатиялық қатынастардың орнағанына 30 жыл толуын атап өтуде. Дөңгелек үстелге қатысушылар екіжақты әріптестікті дамытудың оң динамикасын атап өтті, оның жарқын айғағы екі мемлекет басшылығының тұрақты кездесулері және түрлі салалардағы өзара іс-қимылды арттыру бойынша кең құралдардың (сауда-экономикалық және ғылыми ынтымақтастық жөніндегі үкіметаралық комиссия, саяси консультациялар, кең шарттық-құқықтық база және т.б.) болуы болып табылады.