Елші Нұрбах Рүстемов Румыния Мәдениет министрлігінің Мемлекеттік хатшысы Михай Фирикэмен кездесті

Ү.ж, 23 қыркүйекте Елші Нұрбах Рүстемов Румыния Мәдениет министрлігінің Мемлекеттік хатшысы Михай Фирикэмен кездесті.
Келіссөздер барысында мәдени-гуманитарлық ынтымақтастықты тереңдету перспективалары, сондай-ақ болашақ іс-шараларды өткізу кестесі талқыланды. Атап айтқанда, Қазақстанның кино күндерін, Наурызды, Абай Құнанбайұлы-Михай Эминеску халықаралық конференциясын және басқа да іс-шараларды (әртістердің өнер көрсетуі, көрмелер) өткізу жоспарлануда.
Тараптар тығыз өзара іс-қимылға өзара қызығушылық білдірді және осыған байланысты кездесуді екі елдің мәдениет министрліктері арасында бейне-конференция форматында өткізу мүмкіндігін қарастыруға уағдаласты.