Қазақстан Республикасының Ішкі істер министрі Е.Сәденовтың Брюссельге жұмыс сапары туралы
Брюссель, 2023 жылғы 2-4 қазан – Қазақстан Республикасының Ішкі істер министрі Ержан Сәденов құқық тәртібі саласындағы халықаралық ынтымақтастықты нығайту мақсатында Брюссель қаласына жұмыс сапарымен келді
Еуропалық Одақтың астанасына осы маңызды сапары барысында Министр Ержан Сәденов Шенген елдерінің визалық саясатын реттеуге жауапты Еурокомиссияның көші-қон және ішкі істер жөніндегі бас дирекциясының басшылығымен және сарапшыларымен алғаш рет кездесті.
Еуропалық комиссия Бас директорының көші-қон және ішкі істер жөніндегі орынбасары ЙоханнесЛухнермен келіссөздердің негізгі тақырыбы Қазақстан Республикасының азаматтарына визалық талаптарды үйлестіру және жеңілдету, сондай-ақ оларды мүмкіндігінше тезірек жүзеге асыру жолдары болды. Осы тұрғыда Министр Сәденов Қазақстанда жүргізіліп жатқан озық қоғамдық-саяси реформаларжәне Экономикалық ынтымақтастық және даму ұйымының (ЭЫДҰ) және басқа да халықаралық ұйымдардың стандарттарына негізделген көші-қон саясатының барлық аспектілерін жетілдіру туралы толық ақпарат берді.
Министр сондай-ақ Еуропалық Одақ елдеріне баратын Қазақстан азаматтарының көші-қонының оң статистикасы туралы баяндап, көші-қон тәуекелдерінің жоқтығын және отандастарымыздың ЕО елдерінің заңнамалары мен ережелерін тамаша сақтауын атап өтті.
Өз кезегінде ЙоханнесЛухнер «Еуроодақ Қазақстанды стратегиялық серіктес ретінде қарастыратынын және Қазақстанда жүргізіліп жатқан өзгерістерді жоғары бағалайтынын» атап өтті. Ол Қазақстан Республикасы «Орталық Азия аймағындағы ЕО-ның сенімді серіктесі және біздің ынтымақтастығымыздың одан әрі сындарлы даму үшін елеулі әлеуеті бар» деп атап өтті. Осыған байланысты еуропалық дипломат Еуропалық Одақтың Қазақстанның азаматтары үшін Шенген визасын алу процесін жеңілдететін визалық талаптарды үйлестіру бойынша бірлескен жұмысты бастауға дайын екенін растады. Сондай-ақ, Қазақстан азаматтарына визалық талаптарды жеңілдетуге болатын, кейінгі консультациялар кезінде келісуге болатын нақты бағыттар анықталды. Тараптар ағымдағы визаларды беру үдерісіне бірлескен талдау жүргізуге және осы саладағы диалогты бастау үшін қадамдарды анықтауға келісті.
Қазақстан Республикасы мен Еуропалық Одақ арасындағы құқық тәртібін қамтамасыз ету, оның ішінде заңсыз көші-қонға қарсы күрес, шекаралық бақылауды жетілдіру және еуропалық ішкі істер органдарының тәжірибесін қолдану саласындағы ынтымақтастықты нығайтуға ерекше назар аударылды.
Брюссельге сапары аясында ҚР Ішкі істер министрі бельгиялық әріптесі Аннелис Верлинденмен де келіссөздер жүргізді. Бельгия Корольдігінің Ішкі істер министрлігінің басшысы Бельгияның Қазақстанмен әріптестікті нығайтуға мүдделі екенін атап өтіп, ҚР азаматтары үшін визалық режимді жеңілдетуге қолдау білдірді. Аннелис Верлинден Қазақстанның шекаралық бақылау жүйесін жетілдіру және көршілес елдермен ынтымақтастықты нығайту жөніндегі күш-жігерін жоғары бағалады. Тараптар диалогты жалғастырып, болашақта ынтымақтастық пен тәжірибе алмасу бағыттарын айқындауға келісті.