2023 ж. Парламенті Мәжілісі депутаттарының сайлауы туралы

ҚҰРМЕТТІ ОТАНДАСТАР!

2023 жылғы 19 наурызда (жергілікті уақыт бойынша 07:00-ден 20:00 дейін) ҚР Бельгия Корольдігіндегі Елшілік жанындағы №241 сайлау учаскесінде Қазақстан Республикасы Парламенті Мәжілісі депутаттарының кезектен тыс сайлауында дауыс беру өтеді.

Қазақстанның 18 жасқа толған және белсенді құқығына ие әрбір азаматының Парламенті Мәжілісі депутаттарын сайлауға конституциялық құқығы бар. Сіздің аты-жөніңіздің сайлаушылар тізімінде болуы осы құқығыңызды жүзеге асыруға кепілдікті береді.

ҚР Бельгия Корольдігіндегі Елшілік жанындағы №241 сайлау учаскесіндегі сайлаушылар тізіміне болу елінде уақытша немесе тұрақты тұратын және қолданыстағы Қазақстан Республикасы азаматының паспорты бар барлық азаматтар енгізіледі.

ҚҰРМЕТТІ САЙЛАУШЫЛАР!

Сіздерді сайлаушылар тізіміне енгізу үшін Бельгия Корольдігі мен Люксембург Ұлы Герцогтігі аумағындағы әрбір азамат өзіне қатысты деректерді (Аты-жөні, ЖСН, тұратын мекенжайы, байланыс телефон)  brussels@mfa.kz, consul.brussels@mfa.kz электрондық мекенжайға «Сайлау-2023» белгісімен алдын ала жіберу қажет.

Қосымша сұрақтарыңыз болған жағдайда келесі телефон нөмірлеріне хабарласуды сұраймыз:

- (+32) 2 373 38 90;

- (+32) 2 374 50 96.