Қазақстан мен Бельгия арасындағы көлік пен логистика саласындағы ынтымақтастық туралы

Елші Марғұлан Баймұхан барлық модификациядағы көлік терминалдарының (темір жол, теңіз, автомобиль көлігі және қойма), сондай-ақ шекаралық өткелдердің тиімділігін арттыру және цифрландыру үшін автоматты және операциялық жүйелерді өндіру бойынша Бельгияның CAMCO Technologies жоғары технологиялық кәсіпорнында болды.

Компания басшылығымен қазақстандық көлік-логистикалық құрылымдармен, оның ішінде CAMCO Technologies компаниясының «Транслогистика Қазақстан» 25-ші халықаралық көрмесіне қатысуы аясында (20-22.09.22, Алматы) мақсатты B2B кездесулерін ұйымдастыру туралы келісімге қол жеткізілді. TransLogistica Kazakhstan – Орталық Азиядағы көлік-логистикалық қызметтер мен технологиялардың ең ірі көрмесі.

Сонымен қатар, «Бельгия-Қазақстан» Парламентаралық топтың төрағасымен Тим Ванденпутпен мазмұнды кездесу өтті. Оның барысында алдағы екіжақты іс-шаралар, «Орта дәліз» халықаралық көлік-транзиттік бағытын дамыту перспективалары және т.б. талқыланды.