Қазақстанда ірі қара малдың жаңа тұқымын іріктеу жоспарлануда

2022 ж. 30 мамыр, Алматы қ. – 21-30 мамырда бельгиялық «Ecodynamics» жоғары технологиялық ауыл шаруашылығы компаниясының басшылығы отандық фермерлермен «белгиялық ақ-көк» тұқымды өсіру саласында ынтымақтастық орнату үшін Қазақстанға келді. Бельгиялық селекционерлердің мақтанышы болып табылатын бұл тұқымның салмағы 1,5 тоннаға жетеді, ал бұлшықет массасы 65%-дан асады. Бұл ретте «Бельгиялық ақ-көк» тұқымды ірі қараның еті әлемдегі ең пайдалы және экологиялық таза өнім болып саналады.

Бельгиялық тараптың технологиялық шешімдерін «ҚазАгро» өкілдері мен бірқатар қазақстандық фермерлер жоғары бағалады. Қостанай және Алматы облыстарынан қазақстандық бес ірі ауыл шаруашылығы кәсіпорны біздің елде бельгиялық ірі қара тұқымын өсіруге қызығушылық танытты.

Таяу және алыс шетелдерден әкелінетін ірі қара малмен салыстырғанда жаңа тұқымды ірі қара малды іріктеудің ерекшелігі жануарларды климаттандыруға байланысты тәуекелдердің салыстырмалы түрде төмендігі болып табылады.

Ірі қара малдың бельгиялық ақ-көк тұқымы жануарлардың үлес салмағының жоғары болуына байланысты әлемдегі белгілі тұқым болып саналады. 19-ғасырда Бельгияда өсірілген тұқым Еуропадағы ең көп таралған тұқымдардың бірі болып табылады.