Елші Марғұлан Баймұхан Ипр қаласында орналасқан бельгиялық «Picanol Group» компаниясының тоқыма станоктарын шығаратын зауытқа барды

«Picanol Group» және «Tessenderlo Group» Бас атқарушы директоры Люк Тактың айтуынша, Қазақстанда тоқыма өнеркәсібін дамытуға үлкен мүмкіндіктер бар: ел тоқыма бұйымдарын өзі шығаруы мүмкін (мысалы, джинсалық мата).

Бүгінгі күні «Picanol Group» әр түрлі тоқыма машиналарын шығаруда әлемдік көшбасшы болып табылады. Компания жылына 10 000-нан астам машинаны сатады, ал әлем бойынша 35 000-ге жуық машинаға сұранысы бар.

Ынтымақтастық перспективаларын талқылай отырып, Елші М.Баймұхан Қазақстандағы тоқыма нарығындағы ахуал, инвестициялық преференциялар және шетелдік инвесторлар үшін арнайы экономикалық аймақтар мүмкіндіктері туралы айтты.

Сондай-ақ кездесу барысында тараптар ауыл шаруашылығы саласында ынтымақтастық орнату мүмкіндіктерін талқылады.