Қазақстан мен Люксембург дипломатиялық қарым-қатынастардың орнағанына 29 жыл толуын атап өтуде
Бұл ынтымақтастықты қорытындылауға жақсы себеп болып табылады. Өткен жылдар ішінде Қазақстан-Люксембург қарым-қатынастары дамудың жоғары деңгейіне жетті: үкіметтік және парламенттік делегациялардың сапарларымен алмасу жүзеге асырылып, берік шарттық-құқықтық база құрылды. Сауда-экономикалық және инвестициялық қарым-қатынастар өзара дамуда.
Қазақстан Республикасының Тұңғыш Президенті - Елбасы Нұрсұлтан Назарбаевтың Люксембург Үкіметінің басшысы Ксавье Беттельмен (2017 ж.) кездесуі, ҚР Премьер-Министрі К.Мәсімовтің Люксембургке (2012 ж.) және Люксембург Үкіметінің басшысы К.Беттельдің Қазақстанға сапарлары (2015 және 2017 жж.), сондай-ақ Герцогтіктің ЭКСПО-2017 халықаралық мамандандырылған көрмесіне қатысуы екі елдің қарым-қатынастарын дамыту жолындағы маңызды оқиғалар болды.
Еуропа Кеңесінің ЕҚЫҰ Парламенттік Ассамблеясында (ЕҚЫҰ ПА) және Парламенттік Ассамблеясында (ЕКПА) парламенттік достық топтары мен елдеріміздің делегациялары арасындағы байланыстар белсенді дамуда.
Люксембург әлемдік көшбасшылардың бірі болып табылатын экономикалық салада қаржы және жоғары технологиялар, ғарыш өнеркәсібі, цифрландыру және жасыл энергетика саласындағы ынтымақтастыққа басым көңіл бөлінеді.
ҚР Құрметті консулдығы іскерлік топтар арасында тікелей байланыс орнатуға, сондай-ақ күн тәртібін нақты жобалармен толтыруға ықпал ете отырып, тиімді өзара іс-қимыл жасайды. Қазақстанның Люксембургтегі құрметті консулы табиғи ресурстарды өндіру, игеру және байыту саласындағы әлемдегі жетекші компания «Eurasian resources group» Бас атқарушы директоры Бенедикт Соботка болып табылады.
Мәдени-гуманитарлық өзара іс-қимылдың дамуына Люксембургте тұратын «Қазақстан-Люксембург» қазақтар қауымдастығының құрылуы, А.Жұбанов атындағы Қазақ халық аспаптары оркестрі мен Ақтөбе қаласындағы «Аққу» би ансамблінің қатысуымен ежелгі «Наурыз мейрамын» мерекелеуі, сондай-ақ «Қазақ хандығы. Алмаз қылыш» және «Қызғалдақ» фильмдерінің көрсетілуі қосымша үлес қосты.
Қазақстан Люксембургпен достық қарым-қатынасты одан әрі нығайту, жан-жақты диалогты тереңдету, өзара тиімді ынтымақтастық пен серіктестікті кеңейту бағытын берік ұстанады.