Бразилия Банкінің мәдени орталығы Қазақстанмен ынтымақтастық үшін ашық

Бразилия, 2021 жылғы 29 қыркүйек – Қазақстан Республикасының Бразилия Федеративтік Республикасындағы Төтенше және Өкілетті Елшісі Болат Нүсіпов Бразилия Банкінің мәдени орталығында болып, Басқарушы директоры Анна Люсия Ленцимен кездесті.

Елші осы Мәдениет орталығының жұмысымен, сондай -ақ музыка, кино, театр және т.б. сияқты әр түрлі тақырыптағы көркем көрмелерімен танысты. Кездесу барысында тараптар мәдениет және өнер саласындағы екіжақты ынтымақтастықтың келешегін, сондай-ақ Мәдени орталықтың алаңдарында Елшіліктің мәдени іс-шараларын ұйымдастыру мүмкіндігін талқылады.

2000 жылы 12 қазанда ашылған Бразилия Банкінің Мәдени орталығы Бразилиядағы келушілер саны бойынша ең ірі  және экспозицияларды ұйымдастыруға арналған ең жаңа жабдықтарға ие мәдени алаңдардың бірі болып табылады.