ҚР Сыртқы істер министрлігі шетелге шығатын қазақстандықтардың қауіпсіздігін қамтамасыз ету мақсатында арнайы «Smart Travel KZ» атты мобильдік қосымшасын әзірледі.
Аталған мобильдік қосымша өзге елге кез келген мақсатпен аттанған Қазақстан азаматтары үшін алдын ала телефон арқылы визалық режим туралы онлайн ақпарат алуға мүмкіндік береді. Сонымен қатар, азаматтар төтенше жағдай орын алған кезде іске асырылатын шаралармен таныса алады.
Мобильдік қосымшадан шетелдегі қылмыстық жағдай, санитарлық-эпидемиологиялық деректерді де тауып алуға болады. Азаматтардың ыңғайлылығы үшін сақтандыру және медициналық қызметтер жөніндегі кеңестер және елшілік секілді құзырлы органдардың байланыс нөмірлері де жазылған.
Қосымшаны Android және iOS платформаларынан тегін жүктеуге болады.