Словакия Қорғаныс министрімен кездесуде Әскери-техникалық ынтымақтастықтың келешегі талқыланды

БРАТИСЛАВА, 2020 жылғы 8 қыркүйек – Қазақстанның Словакиядағы Елшісі Роман Василенконың Словакия Қорғаныс министрі Ярослав Надьпен кездесуінде барсысында Қазақстан мен Словакия арасындағы әскери және әскери-техникалық ынтымақтастықтың болашағы талқыланды.

Министрді осы қызметке тағайындалуымен құттықтай отырып, жұмысына сәттілік тілей отырып, елші Қазақстан мен Еуропалық Одақ арасындағы ынтымақтастық аясында Словакиямен екіжақты және көпжақты форматтағы, оның ішінде кең көлемді қатынастардың қарқынды сипатын атап өтті.

Тараптар Қазақстан мен Словакияның БҰҰ бітімгершілік қызметіне қатысуын халықаралық және аймақтық қауіпсіздікті нығайту саясатының маңызды құрамдас бөлігі ретінде атап өтті.

Р.Василенко БҰҰ-ның қамқорлығымен бітімгершілік операцияларына қатысу үшін Қазақстан Республикасы Қарулы Күштерінің бітімгершілік әлеуетін одан әрі дамытуға және қолдауға бағытталған «Бейбітшілік үшін серіктестік» бағдарламасы аясында Қазақстанның НАТО-мен ынтымақтастығы туралы айтты. Осы ұзақ мерзімді жұмыстың нәтижесі – қазақстандық бітімгершілік күштердің қызмет көрсету географиясының кеңейуі және Қазақстан Республикасының бітімгершілік күштерінің санының артуы. Бұл Қазақстанды бітімгершілік контингенттерін жеткізушілер арасындағы рейтингтің 112-орнынан 66 орынға көтерді. Осыған байланысты сұхбаттасушылар осы салада тәжірибе алмасу және мамандар даярлау мүмкіндігін қарастырды.

Я. Надь пен Р. Василенко өзара тиімді әскери-техникалық ынтымақтастық үшін маңызды әлеуеттің бар екендігін атап, ол үшін тиісті заңнамалық база да, өзара қызығушылық та бар. Словакияның қорғаныс компанияларының 2021 жылы 10-13 маусымда Нұр-Сұлтанда өтетін «KADEX» Халықаралық қару-жарақ пен технологиялар көрмесіне және осы жылдың 28-30 қазанында Братиславада өтетін IDEB 2020 халықаралық қорғаныс көрмесіне қазақстандық қорғаныс кәсіпорындарының қатысу маңыздылығын атап өтті.

Жылы атмосферада өткен кездесу барысында сұхбаттасушылар жоғары деңгейдегі байланыстар кестесін де қарап, өзара қызықты ынтымақтастықты жалғастыруға уағдаласты.