Братиславада Қазақстандағы кезектен тыс парламенттік сайлау туралы брифинг өтті

Братислава, 2023 жылғы 2 наурыз – Қазақстан Елшілігінде Словакияның қоғамдық, іскерлік топтары мен БАҚ өкілдерінің қатысуымен Қазақстандағы кезектен тыс парламенттік сайлауға арналған брифинг өтті.

Елші Төлежан Барлыбаев 19 наурызда өтетін Парламент Мәжілісі мен барлық деңгейдегі мәслихаттар депутаттарының кезектен тыс сайлауы туралы айтты. Алдағы сайлау «Қазақстан Республикасындағы сайлау туралы» Конституциялық заңға енгізілген өзгерістерге сәйкес жаңа сайлау ережелері мен нормалары бойынша өтетіні айтылды.

Атап айтқанда, бұл сайлауда жаңа пропорционалды-мажоритарлық модельге көшу туралы нормаларға, Мәжіліс пен мәслихаттың депутатын кері қайтарып алуға императивті мандат енгізуге, БАҚ өкілдерінің дауыс беру күні сайлау учаскесінде болу мүмкіндігін кеңейту нормаларына және т.б. қатысты. Дипломат сайлау заңнамасына енгізілген өзгерістердің адал, әділ және еркін сайлаудың халықаралық стандарттарына сәйкес келетінін атап өтті. Кезектен тыс парламенттік сайлауды өткізу Қазақстан басшылығының кең ауқымды демократиялық реформалар бағдарламасын жүзеге асыру аясында Қазақстанның саяси жүйесін қайта жаңғыртуды аяқтайтыны атап өтілді.

Брифингке қатысушылар ҚР ОСК мен басқа да мемлекеттік органдардың еркін және әділ сайлауды қамтамасыз ету жөніндегі тиімді шараларын атап өтіп, Қазақстан халқына жоспарланған қоғамдық-саяси жаңғырту жоспарларын жүзеге асыруда табыс тіледі.