Визалық сұрақтар:

• Қазақстан Республикасының азаматтары Қырғызстанда тіркеусіз әрбір 180 күндік кезең ішінде 90 күнге дейін бола алады.
  Қазақстан мен Қырғызстан арасында визасыз режим қолданылады.
  Қазақстан Республикасының азаматтары үшін елде болу мерзімі – мемлекеттік шекараны кесіп өткен сәттен бастап күнтізбелік 90 күн, және бұл мерзім 180 күн ішінде жиынтық түрде 90 күннен аспауы тиіс.
  Қазақстан Республикасының жарамды жол жүру құжаттарына: жеке куәлік, паспорт, дипломатиялық паспорт, қызметтік паспорт, теңізшінің жеке куәлігі жатады.

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек..

Кедендік бақылау:

• Шетелдік тауарларды Қырғыз Республикасының аумағына әкелу ЕАЭО Кеден кодексінің және Қырғыз Республикасының «Қырғыз Республикасындағы кедендік реттеу туралы» Заңының талаптарына сәйкес жүзеге асырылады.

  Алкоголь және темекі өнімдері. 18 жасқа толған әрбір жеке тұлға үшін 3 литр алкогольдік ішімдік, 200 дана темекі, 50 дана сигара (сигарилла) немесе 250 г темекі не жалпы салмағы 250 граммнан аспайтын аралас темекі өнімдерін әкелуге рұқсат етіледі.

  Жеке пайдалану үшін арналған тауарлар. Кедендік құны 10 000 еуроға дейін (әуе көлігімен тасымалданатын), 500 еуроға дейін (басқа көлік түрлерімен тасымалданатын) және жалпы салмағы 25 кг-нан аспайтын тауарлар кедендік бажсыз әкеліне алады.

  Қару және оқ-дәрілер. Спорттық және аңшылық қарулар шетел азаматтары тарапынан Қырғызстан аумағына міндетті түрде шекарада декларациялау арқылы әкеліне алады. Сонымен қатар, аң аулауға лицензиясы бар заңды тұлғаның шақыру хаты, сол ұйыммен жасалған аңшылық келісімшарт немесе спорттық іс-шараларға қатысуға шақыру және Қырғыз Республикасының ішкі істер органдарының рұқсаты болуы қажет. Қару келісімшартта немесе шақыруда көрсетілген мерзімде елден шығарылуы тиіс.

  Автомобильдер. Жеке тұлғалар тарапынан әкелінетін автокөліктерге арналған жеңілдетілген кедендік декларациялау тәртібі көзделген. Бұл декларация кедендік кіріс ордері арқылы жүргізіледі, және кедендік төлемдер мен салықтар бірыңғай мөлшерлеме бойынша есептеліп, төленеді. ТПО (кедендік приходтық ордер) нысаны мен оны толтыру тәртібі Еуразиялық экономикалық комиссия алқасының 2021 жылғы 29 маусымдағы №79 шешімімен белгіленген. Одаққа мүше емес мемлекетте тіркелген көлік құралдарын шетел азаматтары уақытша әкеле алады, бірақ бұл мерзім 1 жылдан аспауы тиіс.

  Валюта. Егер қолма-қол ақша және (немесе) жол чектері 10000 АҚШ долларынан асса, мұндай сомалар кедендік жолаушылар декларациясын жазбаша түрде толтыру арқылы декларациялауға жатады.

  Тыйым салынған заттар:
  Есірткі құралдарын және күшті әсер ететін дәрі-дәрмектерді дәрігер рецептісіз, қару-жарақты, оқ-дәрілерді, жарылғыш заттарды, сондай-ақ елдің мемлекеттік құрылымына қауіп төндіретін материалдарды әкелуге және әкетуге тыйым салынады. Қырғызстанға жануарлар, көкөністер мен жемістер әкелу үшін санитарлық сертификат талап етіледі.

  Санитарлық бақылау:
  Санитарлық-эпидемиологиялық бақылауға келесі өнімдер жатады: балық, ұн, сүт, кілегей, йогурт, сарысу, сары май және өсімдік майы, ет өнімдері, бал, ірімшік, сүзбе, көкөністер, жаңғақтар, жемістер, шай, кофе, дәмдеуіштер, кондитерлік және макарон өнімдері, саңырауқұлақтар, джемдер, мармеладтар, косметикалық және парфюмериялық өнімдер, балалар киімі, көрпелер, жамылғылар, төсек жабдықтары және т.б.

  Фитосанитарлық бақылау:
  Фитосанитарлық бақылауға лалагүл түйнектері, түбір кесінділері, тірі өсімдіктер, гүлдер мен гүл бүршіктері, картоп, қызанақ, жаңғақтар, құрма, көкөністер, жемістер, жармалар, сүйектер, ағаш, ағаш материалдары, зығыр, талшық, кендір және т.б. жатады.

  Карантинге жататын тауарларға карантиндік тексеру және сараптама актісі ресімделеді, ал шетелге шығарылған жағдайда фитосанитарлық сертификат талап етіледі.

  Ветеринарлық бақылау:
  Ветеринарлық бақылау жүргізіледі. Толық ақпарат Қырғыз Республикасының Үкіметіне қарасты Ветеринарлық және фитосанитарлық қауіпсіздік жөніндегі мемлекеттік инспекцияның ресми сайтында орналастырылған – gvfi.gov.kg/index.html.

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Эпидемиялық ахуал:

• Тұрақты
  Қырғыз Республикасының Денсаулық сақтау министрлігіне қарасты Аурулардың алдын алу және мемлекеттік санитарлық-эпидемиологиялық бақылау департаментінің деректері бойынша жіті ішек аурулары тіркелген.

Қалыптасқан тәртіп нормалары:

• Қырғызстанда жүрген уақытта сізге сол елдің заңдары қолданылады, және оларды бұлжытпай сақтау міндетті. Заңдарды білмеу сізді жауапкершіліктен босатпайды.

  Этика мен моральдың жалпыға ортақ нормаларын ұстаныңыз, өз мінез-құлқыңызды қоршаған ортаға сәйкес реттеңіз, жергілікті салт-дәстүрлер мен әдет-ғұрыптарды құрметтеңіз.

  Шет тілінде негізгі сөздер мен тіркестерді білу елде болуды жеңілдетеді әрі жергілікті халық тарапынан оң қабылданады.

  Ел туралы қосымша ақпаратпен танысыңыз: саяси жағдайымен, климаттық ерекшеліктерімен, заңдарымен, ұлттық дәстүрлерімен, сондай-ақ қоғамдық және басқа да орындардағы мінез-құлық ережелерімен.

Пайдалы ақпарат:

• Алдын ала мобильді карталарды жүктеп орнату – Google Maps, 2ГИС, Яндекс Навигатор.
  Электрондық төлем жүйелерінің ерекшеліктері – Мобильді банкинг, электрондық әмияндар.
  Банк карталарының ерекшеліктері – Visa, Mastercard, UnionPay.
  SIM-карта сатып алу немесе роуминг қызметін қосу қажеттілігі.

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала дайындаңыз: оларды қырғыз немесе орыс тіліне аударып, нотариалды түрде растатыңыз. Бұл, ең алдымен, білім туралы құжаттарға, АХАЖ органдары берген куәліктерге, мүліктік қатынастар мен әлеуметтік қамтамасыз етуге қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері немесе тартылған адвокат болмаған кезде шет тілінде қандай да бір Хаттамаларға және өзге де құжаттарға қол қоймаңыз.