Берн, 2 қазан Швейцарияда Қазақстанның конституциялық реформасы мен әлеуметтік-экономикалық даму перспективаларына арналған дөңгелек үстел өтті. Іс-шараға Конфедерацияның Федералдық жиналысының депутаттары, мемлекеттік органдарының, сарапшылар қауымдастығының және академиялық топтарының өкілдері қатысты.
Іс-шарада барысында Қазақстанның Швейцариядағы Елшісі Қайрат Саржанов жаңа Конституцияның қабылдануы, бір палаталы Құрылтайдың құрылуы және парламенттік сайлаудың нәтижелері, консультативтік орган – Халық Кеңесінің жұмысы, сондай-ақ Вице-президент институтының енгізілуі туралы хабардар етті.
Дипломат аталған қадамдар билік тармақтары арасындағы қатынастардың оңтайлы теңгерімін қалыптастыруға және олардың арасындағы өкілеттіктерді тиімді қайта бөлуге бағытталғанын атап өтті. Бұл Әділетті Қазақстан құру бағдары аясында экономиканы, адами капиталды, білім беруді, ғылым мен инновацияларды дамытуға қолайлы жағдай жасауға ықпал етеді. Қазақстан-Швейцария әріптестігінің барлық салада дәйекті әрі серпінді дамып келе жатқаны атап өтілді.
Еуразиялық кеңістіктегі байланыстарды нығайтуға, Орнықты даму мақсаттарына қол жеткізуге және БҰҰ рөлін күшейтуге, өңірде және әлемде бейбітшілік пен қауіпсіздікті ілгерілетуге ұмтылатын орта держава ретінде Қазақстанның сыртқы саяси бағытының басымдықтарына ерекше назар аударылды.
Іс-шараға қатысушылар Қазақстанның саяси трансформациясы мен экономикалық дамуының басымдықтары туралы ақпаратты қызығушылықпен қабылдады. Пікірталас барысында екі ел арасындағы саяси диалогтың, соның ішінде белсенді парламентаралық өзара іс-қимылдың жоғары қарқыны, сауда-инвестициялық ынтымақтастықты тереңдету үшін елеулі әлеуеттің бар екені атап өтілді. 2025 жылы елдер арасындағы тауар айналымы 1,5 млрд долларды құрады, ал Қазақстан экономикасына салынған швейцариялық тікелей инвестициялардың жиынтық көлемі 36 млрд доллардан асты. Осы көрсеткіш бойынша Швейцария Қазақстандағы үшінші ірі шетелдік инвестор болып табылады. Федералдық жиналыстың төменгі палатасының депутаты Р. Бюхель, Лугано қаласы муниципалитетінің өкілі, Швейцария Парламентінің жоғарғы палатасының бұрынғы төрағасы Ф. Ломбарди, Федералдық экономика департаментінің кеңесшісі Й. Янссен, федералдық дипломатиялық қызмет пен Швейцария сыртқы саясат қауымдастығы басқармасының өкілдері де осы тұрғыда пікір білдірді.
2026 жылғы 23 тамызда Қазақстан Республикасының Швейцариядағы Елшілігі жанындағы №412 сайлау учаскесінде Қазақстан Республикасы Құрылтайы депутаттарының сайлауы өтеді. Аталған сайлау учаскесі жергілікті уақыт бойынша сағат 07:00-ден 20:00-ге дейін жұмыс істейді. Мекенжайы: Берн қ., Tavelweg 2, CH-3074 Muri bei Bern.
Қазақстан Республикасының 18 жасқа толған әрбір азаматының сайлуға қатысуға конституциялық құқығы бар.
№412 сайлау учаскесінде дауыс беруге ниетті азаматтардан bern@mfa.kz электрондық поштасына келесі ақпаратты жіберуді сұраймыз: аты-жөні, ЖСН, туған жылы және тұрғылықты мекенжайы.
2026 жылғы 25 маусым, Кур - Өңірлік ынтымақтастықты дамыту аясында Қазақстан Республикасының Швейцария Конфедерациясындағы Елшісі Қайрат Саржанов Швейцарияның ең ірі кантоны - Граубюнден кантонына жұмыс сапарымен барды. Бұл кантон аумағында жыл сайын Дүниежүзілік экономикалық форум өтетін әлемге әйгілі Давос қаласы орналасқан.
Кантон Үкіметінің төрағасы Мартин Бюлермен өткен кездесуде Қазақстан мен Швейцария арасындағы өңірлік ынтымақтастықты кеңейту перспективалары талқыланды. Атап айтқанда, экономика, ғылым-білім және мәдениет салаларындағы бірлескен бастамаларды іске асыру мәселелері қаралды. Тараптар аумақтарды дамыту, инфрақұрылым, туризм, табиғи ресурстарды ұтымды пайдалану және мәдени мұраны сақтау салаларында тәжірибе алмасуға өзара қызығушылық танытты.
Елші Қазақстан мен Швейцария арасындағы саяси диалогтың жоғары деңгейін және сауда-инвестициялық ынтымақтастықтың тұрақты дамуын атап өтіп, елде жүзеге асырылып жатқан саяси және әлеуметтік-экономикалық реформалар туралы ақпарат берді. Ерекше назар «Әділетті Қазақстан» бағыты аясындағы конституциялық реформаларға аударылды. Бұл реформалар демократиялық институттарды нығайтуға, мемлекеттік басқару жүйесін жетілдіруге және азаматтардың қоғамдық-саяси өмірге қатысуын кеңейтуге бағытталған.
Мартин Бюлер Қазақстанға әрі қарай да өркендеу, тұрақты даму және жүргізіліп жатқан реформаларды табысты іске асыруды тіледі, сондай-ақ екіжақты ынтымақтастықты одан әрі нығайтуға мүдделі екенін атап өтті. Тараптар сындарлы диалогты жалғастыруға және ұлттық әрі өңірлік деңгейлерде жаңа бастамаларды қолдауға дайын екендіктерін растады.
внях.
Женева, 2026 жылғы 22 маусым - Женева қаласында «Central Asia in Transformation: A New Vision of National and Regional Development» атты дөңгелек үстел өтті. Іс-шара Орталық Азия елдеріндегі қазіргі трансформация үдерістеріне және өңірдің даму перспективаларына арналды.
Іс-шараға Орталық Азия мемлекеттерінің елшілері мен тұрақты өкілдері, дипломатиялық корпус, БҰҰ жүйесі мен халықаралық ұйымдардың өкілдері, талдау орталықтары, үкіметтік емес ұйымдар, сондай-ақ академиялық және сараптамалық қауымдастық өкілдері қатысты.
Қазақстан Республикасының Швейцария Конфедерациясындағы Елшісі Қайрат Саржанов өз сөзінде Орталық Азия өңірі мемлекетаралық ынтымақтастықтың нығаюы, өзара сенімнің артуы және халықаралық серіктестермен өзара іс-қимылдың кеңеюі арқылы сипатталатын даму кезеңінен өтіп жатқанын атап өтті. Осыған байланысты ол Орталық Азия мемлекеттері басшыларының Консультативтік кездесулерінің және C5+ форматының маңыздылығына тоқталды.
Сондай-ақ елші Қазақстанда жүргізіліп жатқан саяси және институционалдық реформалар туралы айтып, олардың мемлекеттік басқаруды жетілдіруге, мемлекеттік институттардың тиімділігін арттыруға және азаматтардың шешім қабылдау үдерісіне қатысуын кеңейтуге бағытталғанын атап өтті.
Пікірталас барысында қатысушылар өңірлік интеграция, экономикалық жаңғырту, көлік дәліздерін дамыту, соның ішінде Транскаспий халықаралық көлік бағыты (Орта дәліз), сондай-ақ инвестициялық және сауда ынтымақтастығын кеңейту перспективаларын талқылады. Қазақстандағы конституциялық реформалар мемлекеттік институттарды нығайту мен демократиялық тетіктерді дамытудағы маңызды қадам ретінде ерекше аталды.
Қатысушылар сондай-ақ су және өңірлік қауіпсіздік, климаттың өзгеруі, инфрақұрылымдық даму және Ауғанстандағы жағдай мәселелерін қарастырды. Диалог пен практикалық ынтымақтастықты одан әрі тереңдету өңірдің тұрақты дамуы үшін аса маңызды екені атап өтілді.
Дөңгелек үстелді Bulan Institute for Peace Innovations Geneva School of Diplomacy ұйымымен бірлесіп, Geneva Centre for Security Policy қолдауымен ұйымдастырды.
Женева, 2026 жылғы 11 маусым – Қазақстанның Швейцариядағы дипломатиялық өкілдіктерінің қолдауымен Женева қаласында «Kazakhstan Commodity Forum» форумы өтті. Іс-шараға мемлекеттік ұйымдардың өкілдері, швейцариялық және халықаралық қаржы институттары, сондай-ақ Gunvor, Mercuria, Fracht Group, MSC, SOCAR, COFCO, ADM, Louis Dreyfus Company, Cargill және ESM Foundation секілді шикізат саудасы, энергетика, агроөнеркәсіптік кешен, көлік және логистика салаларындағы жетекші халықаралық компаниялардың өкілдері қатарынан 200-ге жуық қатысушы жиналды.
Форумның ашылуында Қазақстанның Швейцариядағы Елшісі Қайрат Саржанов Қазақстанда жүзеге асырылып жатқан институционалдық реформалардың, оның ішінде жаңа Конституцияның қабылдануының маңыздылығын атап өтіп, олардың құқық үстемдігін нығайтуға, мемлекеттік басқарудың ашықтығын арттыруға және инвесторлардың құқықтарын қорғауды күшейтудегі ықпалына назар аударды. Ол шетелдік серіктестердің сенімі мен елдегі қолайлы бизнес ахуалдың маңызды көрсеткіші ретінде екіжақты экономикалық ынтымақтастықтың тұрақты дамуын ерекше атап өтті. 2025 жылы Қазақстан мен Швейцария арасындағы тауар айналымы 1,5 млрд АҚШ долларын құрады, ал Швейцарияның Қазақстан экономикасына салған тікелей инвестицияларының жиынтық көлемі 36 млрд АҚШ долларынан асты. Осылайша, Швейцария Қазақстандағы үшінші ірі шетелдік инвестор болып отыр. Сонымен қатар, Елші жаһандық жеткізу тізбектерінің қайта құрылуы жағдайында Қазақстанның мол стратегиялық ресурстарға, сенімді инфрақұрылымға және ұзақ мерзімді әріптестік орнатуға кең мүмкіндіктерге ие екенін айтып, ынтымақтастықты одан әрі кеңейтудің әлеуетіне назар аударды.
Өз кезегінде Женева сауда-өнеркәсіп палатасының бас директоры Венсан Субилия швейцариялық бизнестің Қазақстанға деген тұрақты қызығушылығын атап өтті. Оның айтуынша, бүгінде Қазақстанда швейцариялық капиталдың қатысуымен құрылған шамамен 400 компания жұмыс істейді. Олар тау-кен өнеркәсібі, энергетика, көлік, инфрақұрылым, фармацевтика, өңдеу өнеркәсібі және қаржы қызметтері секілді экономиканың негізгі салаларында қызмет атқарады.
Форум аясында «Бәйтерек» ұлттық басқарушы холдингі, «ҚазМұнайГаз» және «Азық-түлік келісімшарт корпорациясы» ұлттық компаниялары, сондай-ақ Майлы дақылдарды өңдеушілердің ұлттық қауымдастығының өкілдері жоғары қосылған құны бар өндірістерді дамыту, экспорттық мүмкіндіктерді кеңейту және бірлескен инвестициялық жобаларды іске асыру бағытындағы тәсілдерін таныстырды.
Панельдік пікірталастарға қатысушылар Қазақстанның энергетика, логистика және стратегиялық ресурстар жеткізу салаларындағы сенімді серіктес ретіндегі рөлінің артып келе жатқанын атап өтті. Сонымен қатар агроөнеркәсіптік кешенді жаңғырту, экспорттық әлеуетті арттыру, өңдеу өнеркәсібін дамыту және елді халықаралық өндірістік-логистикалық тізбектерге ықпалдастыру мәселелері үлкен қызығушылық тудырды.
Форум энергетика, металлургия, агроөнеркәсіптік кешен және көлік-инфрақұрылым салаларындағы сауда мен инвестициялық ынтымақтастықты кеңейту мәселелері бойынша мазмұнды әрі сындарлы пікір алмасуға арналған тиімді алаңға айналды. Жетекші компаниялардың кеңінен қатысуы және форумға қатысушылардың оң пікірлері швейцариялық бизнес қауымдастықтың Қазақстанға деген жоғары қызығушылығын тағы бір мәрте растады.
Kazakhstan Commodity Forum форумын өткізудің бастамашысы Commodity Trading Club болды, ал іс-шараның қаржылық серіктесі ретінде «Harvest Agro» компаниясы қолдау көрсетті.
22 сәуір, Романсхорн, Хербругг – Қазақстан Республикасының Елшісі Қайрат Саржанов екіжақты экономикалық ынтымақтастықты дамыту және нығайту мақсатында инженерлік шешімдер мен геокеңістіктік технологиялар саласындағы жетекші швейцариялық ұйымдар - «Brugg Group» холдингінің кәсіпорындарына және «Hexagon AB» құрамына кіретін «Leica Geosystems» компаниясына барды.
Сапар аясында Geobrugg бас директоры Андреа Ротпен кездесу өтті. Тараптар компания қызметін Қазақстанда кеңейту перспективаларын, сондай-ақ инженерлік қорғаныс шешімдері саласында өндірісті жергіліктендіру мүмкіндіктерін талқылады. Табиғи-геологиялық жағдайлар мен заманауи инженерлік шешімдерге өсіп келе жатқан сұранысты ескере отырып, Қазақстан аталған бағытты дамыту үшін перспективалы алаң ретінде қарастырылуда.
«Leica Geosystems» компаниясында елші Қазақстанда жүзеге асырылып жатқан жобалармен, соның ішінде картография және цифрландыру салаларындағы мемлекеттік органдармен ынтымақтастықпен танысты. «Hexagon AB» компаниясының «Scanning & Mapping» бөлімшесінің президенті Таня Бирнермен қазақ тарапымен өзара іс-қимылды кеңейту мәселелері талқыланды. Сонымен қатар, елші «Leica Geosystems» компаниясына Астана қаласында өткен Өңірлік экологиялық саммитіндегі Швейцария павильонын ұйымдастыруға және форумның іскерлік бағдарламасына қосқан үлесі үшін алғысын білдірді.
ANNOUNCEMENT
Subject: Sale of Motor Vehicles
The Embassy of the Republic of Kazakhstan in the Swiss Confederation hereby invites sealed bids from interested parties for the purchase of the following motor vehicle. The auction is scheduled to take place on 19 May 2026:
Mercedes Benz
|
Model / Manufacture Year:
|
Mercedes Benz S 350 4matic, 2011 |
|
Engine Capacity: |
3498 CC
|
|
Fuel type: |
Petrol
|
|
Colour: |
Black
|
|
Seating capacity: |
5
|
|
Mileage: |
247,846 km
|
|
Starting Price: |
3,500 CHF
|
|
Bidding venue: |
Embassy of Kazakhstan Tavelweg 2, 3074 Muri bei Bern |
Interested buyers are welcome to inspect the vehicle at the Embassy of Kazakhstan in Bern on weekdays by appointment only.
Requests for inspection appointments and all inquiries may be sent to the Embassy of Kazakhstan at bern@mfa.kz.
Берн, 21 наурыз – Наурыз мерекесіне орай Қазақстан Республикасының Швейцария Конфедерациясындағы Елшілігі «Бірлік» Қазақстан-Швейцария қауымдастығымен бірлесіп, Швейцарияның түрлі кантондарында тұратын қазақ диаспорасы өкілдері мен отандастардың басын қосқан мерекелік іс-шара ұйымдастырды.
Өзінің құттықтау сөзінде Елші Қайрат Саржанов Наурыздың жаңару, бірлік пен жасампаздықтың символы ретіндегі маңызын атап өтіп, оның қоғамдағы келісім, сабақтастық және тұрақты даму құндылықтарын бейнелейтінін жеткізді. Жалпыұлттық референдум қорытындысы бойынша Қазақстанның жаңа Конституциясының қабылдануына ерекше назар аударылып, бұл қадам мемлекеттің құқықтық жүйесін одан әрі нығайтуда, демократиялық институттарды дамытуда және азаматтардың құқықтары мен бостандықтарын кеңейтуде маңызды рөл атқарғаны айтылды.
Елші шетелде мәдени бірегейлікті сақтау, ұлттық дәстүрлер мен ана тіліне құрмет отандастарды біріктіретін маңызды факторы ретінде атап өтті. Осы тұрғыда «Бірлік» қауымдастығының қазақ диаспорасы арасындағы байланыстарды нығайтудағы, ұлттық әдет-ғұрыптар мен дәстүрлерді сақтаудағы маңызды рөліне ерекше назар аударылды.
Іс-шара барысында Халықаралық түркітілдес мұғалімдер қауымдастығы шетелдегі отандастар арасында қазақ тілін насихаттау жөніндегі бастамаларын таныстырды. Атап айтқанда, «Тәтті ертегі» мәдени-білім беру жобасы аясында «Шахматшы қонжық» атты балалар кітабының тұсаукесері өтті.
Мерекелік бағдарлама қазақ мәдениетінің байлығын көрсететін ұлттық музыка, әндер мен билерден тұратын концерттік қойылымдарды қамтыды. Қонақтар интерактивті ойындарға қатысып, ұлттық тағамдар ұсынылған дастархан басында қазақтың қонақжайлылық дәстүрімен танысты.
Іс-шара мәдени байланыстар мен ұлтаралық диалогты нығайтудың маңызды алаңына айналып, қатысушылар тарапынан оң бағасын алды. Бұл өз кезегінде мәдени бірегейлік пен бірлікті сақтаудың маңыздылығын тағы да дәлелдеді.
QazETA – шетел азаматтарына көші-қон және оған ілеспе негізгі қызметтерге «бір терезе» қағидаты бойынша (шетелдіктерге арналған бірыңғай цифрлық терезе) ыңғайлы, ашық әрі қауіпсіз қолжетімділікті қамтамасыз ету мақсатында құрылған мемлекеттік цифрлық платформа.
Жоба шетел азаматтарының Қазақстан Республикасының мемлекеттік органдарымен өзара іс-қимылын заманауи әрі қолайлы форматта ұйымдастыруға, сондай-ақ көрсетілетін қызметтердің тиімділігі мен сапасын арттыруға бағытталған.
QazETA платформасы келесі мақсаттарға бағдарланған:
шетел азаматтарының Қазақстан Республикасына кіру және ел аумағында болу рәсімдерін жеңілдету;
шетел азаматтарының елге кіру сәтінен бастап күнделікті қызметтерді алуына дейін мемлекеттік сервистермен бірізді өзара іс-қимылын қамтамасыз ететін бірыңғай цифрлық кіру нүктесін құру;
рәсімдердің ашықтығын арттыру, өтінімдерді қарау мерзімдерін қысқарту және қызмет көрсету сапасын жақсарту;
негізгі көші-қон рәсімдерін цифрлық және мобильді форматқа көшіру.
Қазіргі уақытта QazETA пилоттық режимде жұмыс істейді, оны енгізу кезең-кезеңімен жүзеге асырылады. Осы кезеңде келесі қызметтер қолжетімді:
электрондық визаларды беру (e-Visa);
кіруге электрондық рұқсатты рәсімдеу (ETA);
Қазақстан Республикасының электрондық резиденті мәртебесін алу (e-Residency);
шетел азаматтарына Қазақстан Республикасының мемлекеттік шекарасынан өткені туралы анықтама беру (соның ішінде мобильді құрылғылардың IMEI кодтарын верификациялау мақсатында).
Платформаның негізгі сервистері
1. Электрондық виза (e-Visa)
Электрондық виза — шетел азаматтары мен азаматтығы жоқ адамдарға виза беру бойынша мемлекеттік қызметтің цифрлық нысаны.
104 елдің азаматтары (тізім қоса беріледі) келесі санаттар бойынша бір реттік электрондық виза ала алады:
"А3" (қызметтік), "А5" (инвесторлық), "В1", "В2", "В3" (іскерлік), "В9-1" (Digital Nomad Visa), "В10" (жеке), "В12" (туристік), "С12" (емделу мақсатында).
Электрондық виза электрондық түрде рәсімделген шақырудың негізінде беріледі (шақыру Қазақстан Республикасы Ішкі істер министрлігінің аумақтық полиция органдарында рәсімделеді) және тек визаны алушыға ғана қолданылады, еріп жүретін тұлғаларға таралмайды. Паспорт ауыстырылған жағдайда электрондық визаны қайта рәсімдеу қажет.
Шетел азаматтары мен азаматтығы жоқ адамдар Қазақстан Республикасының аумағына тек халықаралық әуежайлардағы өткізу пункттері арқылы ғана қолданыстағы электрондық визамен кіріп-шыға алады.
2. Кіруге электрондық рұқсат (Electronic Travel Authorization, ETA)
ETA Қазақстан Республикасына визасыз кіру тәртібі белгіленген елдердің азаматтарына арналған. Рұқсат электрондық түрде рәсімделеді.
Қазақстанға сапар жоспарлаған шетел азаматтары ETA алу үшін мобильді қосымша арқылы сапарға дейін кемінде 72 сағат бұрын өтінім береді.
ETA-ның жарамдылық мерзімі — 180 күн.
Қазақстан аумағында болудың нақты мерзімі қолданыстағы көші-қон заңнамасына сәйкес реттеледі.
Сонымен қатар берілген ETA Қазақстан Республикасының аумағына кіруге кепілдік бермейді. Елге кіруге рұқсат беру туралы түпкілікті шешім шекаралық бақылау кезінде уәкілетті мемлекеттік орган тарапынан қабылданады.
ETA алу міндетінен босатылады:
дипломатиялық және қызметтік паспорттардың иелері;
ресми делегациялар мүшелері;
Қазақстан Республикасында аккредиттелген дипломатиялық корпус өкілдері.
Пилоттық кезеңде визасыз режим қолданылатын елдердің азаматтары үшін ETA алу ұсыныстық сипатқа ие. Пилоттық кезең аяқталғаннан кейін көрсетілген санаттағы азаматтар үшін ETA алуды кезең-кезеңімен міндетті түрде енгізу жоспарланып отыр.
3. Электрондық резиденттік (e-Residency)
e-Residency — Қазақстан Республикасынан тыс жерде орналасқан шетел азаматтары мен азаматтығы жоқ адамдарға «Астана» халықаралық қаржы орталығының (АХҚО) юрисдикциясы аясында мемлекеттік және коммерциялық цифрлық сервистерге қол жеткізу мүмкіндігін беретін инновациялық құрал.
Электрондық резиденттік АХҚО юрисдикциясы шеңберінде іске асырылады және мыналарды көздейді:
жеке сәйкестендіру нөмірін (ЖСН) қашықтан алу;
банктік шоттар мен төлем карталарын ашу;
eSIM рәсімдеу;
компанияларды қашықтан тіркеу және бизнес жүргізу.
4. Шетел азаматтарының Қазақстан Республикасының мемлекеттік шекарасынан өткені туралы анықтама алу
(соның ішінде мобильді құрылғылардың IMEI кодтарын верификациялау мақсатында).
Алдағы уақытта платформаның функционалы кеңейтіледі. Оның ішінде:
медициналық сақтандыруды рәсімдеу;
ETA иелері үшін шекаралық бақылаудан жеделдетілген тәртіпте өту мүмкіндігі;
сервистік алымды төлеу;
басқа да цифрлық сервистер енгізу жоспарлануда.
QazETA мобильді қосымшасын PlayMarket және AppStore арқылы жүктеуге болады.
Жоба аясында техникалық қолдау қызметі жұмыс істейді. Сұрақтар мен ұсыныстарды support@qazeta.kz электрондық поштасына жолдауға болады.
Берн, 9 наурыз – Қазақстан Республикасының Швейцария Конфедерациясындағы Елшісі Қайрат Саржанов Швейцарияның Федералдық энергетика басқармасының директоры Бенуа Ревамен кездесті.
Тараптар Қазақстан мен Швейцария арасындағы энергетика саласындағы ынтымақтастықтың жағдайы мен перспективаларын, соның ішінде атом энергетикасын және жаңартылатын энергияны дамыту, энергия тиімділігін арттыру, сондай-ақ халықаралық алаңдарда ұстанымдарды үйлестіру мәселелерін талқылады. «Қазатомөнеркәсіп» компаниясы мен швейцариялық «Axpo Power» концерні арасындағы табысты серіктестік, сондай-ақ Қазақстанның Ұлттық ядролық орталығы мен швейцариялық NAGRA ұйымының радиоактивті қалдықтарды басқару саласындағы ынтымақтастығы жоғары бағаланды.
Елші Қазақстанның атом энергетикасын дамыту жөніндегі ұлттық бағдарламасын жүзеге асыру туралы швейцариялық тарапты хабардар етті және Астананың атом энергиясын бейбіт пайдалану саласындағы ынтымақтастықты кеңейтуге қызығушылығын растады.
Тараптар жаңартылатын энергия көздері саласындағы өзара іс-қимыл әлеуетін, соның ішінде гидроэнергетикалық инфрақұрылымды жаңғырту мүмкіндіктерін талқылады. Перспективалық бағыттар қатарында энергия тиімділігін арттыру, қалдықтарды өңдеудің заманауи технологияларын енгізу және циркулярлық экономика принциптерін дамыту атап өтілді.
Кездесу қорытындысы бойынша тараптар атом және «жасыл» энергетика саласындағы ынтымақтастық әлеуетін толық іске асыру және озық тәжірибелермен алмасу мақсатында екі елдің салалық ұйымдары арасындағы байланыстарды белсендіру туралы келісімге келді.