ҚР Парламенті Мәжілісі депутаттарының сайлауы туралы №3 ақпараттық хабарлама

ҚҰРМЕТТІ ОТАНДАСТАР!

Қазақстан Республикасының Швейцария Конфедерациясындағы Елшілігі Швейцарияның федералды органдары мен Берн Кантонының билігі 2021 жылы 10 қаңтарда өтетін Қазақстан Республикасы Парламенті Мәжілісі депутаттарының кезекті сайлауы үшін сайлау учаскесін ашуды мақұлдағанын хабарлайды.

Осыған байланысты Швейцария Федералды Кеңесі мен Берн кантондық үкіметі бекіткен барлық санитарлық нормалардың сақталуына ерекше назар аударылатынын хабарлаймыз. Швейцарияның уәкілетті органдары бекіткен нормалар да Қазақстан Елшілігі үшін маңызды және міндетті болып қалады.

 

Швейцарияның Берн қаласындағы №248 сайлау учаскесіндегі міндетті нормалар:

 

• Қолда бар дезинфекциялау құралдарын үнемі қолдану.
• Сайлау учаскесінде әрдайым бетперде киіп жүру (арнайы себептермен, атап айтқанда медициналық себептер бойынша маска кие алмайтындығын дәлелдей алатын адамдар маска кию міндетінен босатылады).
• Қашықтық ережелерін сақтау. Сайлаушылардың дауыс беру орнында топтасуына жол берілмейді.

 

Швейцария Конфедерациясындағы Қазақстан Республикасының Елшілігі келесілерді қамтамасыз етеді:

 

• Елшілікке кіреберісте, бюллетеньдерді қабылдау орнында және шығу кезінде стационарлық дизинфекторлар.
• Әр сайлаушыға дауыс беру үшін дезинфекцияланған қаламдар беріледі.
• Дауыс беру процесінде қашықтық нормаларын сақтау қамтамасыз етілген (бюллетень алу, арнайы бөлінген дауыс беру бөлмесінде болу, бюллетеньді жәшіктерге тастау, сайлау учаскесінен шығу).

 

Қазақстан Республикасының Елшілігі барлық тұлғаның денсаулығын барынша қорғау арқылы Қазақстан Республикасының азаматын сайлау құқығын пайдалану мүмкіндігін ұсынуға қуанышты!

 

Назар аударыңыз: № 248 сайлау округінің сайлау комиссиясының мүшелері сайлау күні басталғанға дейін дауыс беруге ниет білдірген Қазақстан Республикасының азаматтарымен байланыс орнатып, Елшілікте қарастырылған санитарлық нормалар туралы хабардар етеді және туындаған сұрақтарға жауап береді!