Әлемге әйгілі қазақстандық әнші Димаш Құдайбергеннің фанаттары Дюссельдорфта Қазақстанның Германиядағы Елшілігі ұйымдастырған фотокөрме барысында мемлекетіміздің табиғаты мен көрнекті жерлерімен танысты

ДЮССЕЛЬДОРФ, 2022 жылғы 9 сәуір - Әлемге әйгілі қазақстандық әнші Димаш Құдайбергеннің Еуропа бойынша турнесы аясында Германияда берген концертінің қарсаңында оның халықаралық фан-клубы мүшелерінің бас қосуы өтті.

Іс-шара аясында Қазақстанның Германиядағы Елшілігі Қазақстан Республикасы мен Германия Федеративтік Республикасы арасындағы дипломатиялық қатынастардың орнатылуының 30-жылдығына орай ұйымдастырған “Табиғат, мәдениет, адамдар - ғажайып Қазақстан” тақырыбындағы фотокөрмесі барысында Димаштың тыңдармандары мемлекетіміздің мәдениетімен, табиғатымен, салт-дәстүрлерімен және көрнекті жерлерімен танысуға мүмкіндік алды.

Іс-шарада Чилидан, Франциядан, АҚШ-тан, Малайзиядан және т.б. елдерден келген өкілдер мен Қазақстанның белгілі әншісі Мәди Сыздықов өз өнерлерін көрсетті. Әнші өзінің авторлық шығармаларын, сондай-ақ әлемдік хиттарды орындады.

Димаштың Дюссельдорфтағы концерті “Арнау” бағдарламасы аясында өтіп, шамамен 7000 көрермен жинады. Келесі концерті ү.ж. 16 сәуірде Прага қаласында өтеді.