Қазақстанның Германиядағы Елшісі Дәурен Кәріпов Герман экономикасы Шығыс комитетінің төрағасы, «WILO SE» компаниясының Президенті және Басқарма төрағасы Оливер Гермеспен кездесті

БЕРЛИН, 2022 жылғы 3 наурыз – Қазақстанның Германиядағы Елшісі Дәурен Кәріпов Герман экономикасы Шығыс комитетінің төрағасы, "WILO SE" компаниясының Президенті және Басқарма төрағасы Оливер Гермеспен кездесті. Кездесу барысында Ресей-Украина қақтығысы аясындағы ағымдағы экономикалық жағдай, сондай-ақ дағдарыстың әлемдік экономикаға теріс салдарын азайту мәселелері және Қазақстан мен Германия арасындағы сауда-экономикалық ынтымақтастықты кеңейту перспективалары талқыланды.

Оливер Гермес-Шығыс Еуропа және Орталық Азия өңірімен жұмыс істеу бойынша герман бизнесінің жетекші өңірлік қауымдастығын басқаратын беделді герман менеджері. Өткен жылдан бастап ол Солтүстік Рейн-Вестфалия федералдық жерінде Қазақстанның Құрметті консулы болып табылады.