Қазақстан Республикасының Германиядағы Елшісі Д.Кәріпов Stemmann Technik GmbH басқарушы директоры Андреас Бергермен кездесті

БЕРЛИН, 2021 жылғы 28 мамыр – Қазақстан Республикасының Германиядағы Елшісі Д.Кәріпов Stemmann Technik GmbH басқарушы директоры Андреас Бергермен кездесті.

109 жыл бұрын құрылған Stemmann Technik әлемдегі жетекші өнеркәсіптік және көлік техникасында энергия мен мәліметтерді жіберуге арналған компоненттер мен жүйелер өндірушілерінің бірі болып табылады. Кездесу барысында тараптар екіжақты ынтымақтастықтың келешегін және компанияның Қазақстандағы бірлескен жобаларды іске асыруға қатысуын талқылады.

Дипломатиялық миссияның басшысы неміс компанияларының ұзақ мерзімді тәжірибесі мен өндірісінің жоғары стандарты олардың Қазақстандағы өндірісті оқшаулауына кең мүмкіндіктер ашатынын баса айтты. Компания өз өнімдерін Қазақстанда сатады, алайда ұсынылған инвестициялық преференцияларды ескере отырып, компанияға инвестициялық жобаны жүзеге асыру ұсынылды.

Қазақстандағы қолайлы инвестициялық климаттың негізгі факторлары заманауи заңнамалық база мен мемлекет пен шетелдік бизнестің серіктестігі екенін атап өтіп, Д.Кәріпов Қазақстан Республикасы Үкіметінің экономиканы жаңарту жөніндегі және шетелдік инвестицияларды тарту жаңа шаралары туралы хабарлады.