«Тұран» әуендері Сербия халқының қошеметіне бөленуде

Ү.ж. 30 және 31 қазанда белгілі қазақстандық «Тұран»
этно-фольклорлық ансамблі өзінің Балқандағы концерттік турын
Сербия астанасы Белградта және елдің әйгілі Златибор курорттық аймағында жалғастырды.

Танымал домбыра күйлері мен халық аңыздары көпшілік назарына қызықты бейнеэффекттердің сүйемелдеуімен ұсынылды.

Қазақстанның ұлттық мерекесі – Республика күніне арналған «Bridge of times» атты салтанатты концерттерге Сербияның саяси, академиялық және ғылыми топтардың өкілдері, қоғамдық ұйымдардың басшылары, бизнесмендер, дипкорпус, БАҚ, мәдениет және спорт қайраткерлері қатысты.

Серб жұртшылығы музыканттарды жылы қабылдап, ұзақ қошемет көрсетті.

«Колорац» музыкалық дәстүрге бай астаналық концерт залындағы
іс-шараны аша отырып, Қазақстанның Сербиядағы Елшісі М.Атамқұлов елдің саяси және әлеуметтік-экономикалық реформаларды іске асырудағы жетістіктеріне назар аудара отырып, тәуелсіз Қазақстанның қалыптасуындағы Республика күнінің маңыздылығын атап өтті. Бұл ретте қазақстандық дипломат еліміздің аумағында қалыптасқан ұлы көшпелі империялардың мемлекеттілігін қазіргі Қазақстанмен тарихи сабақтастығын атап өтті.