Ливандағы Қазақстан азаматтарының назарына

Құрметті отандастар,

 

          2024 жылдың 6 қазанында Қазақстан Республикасында атом электр станциясы салу бойынша жалпыхалықтық референдум өтеді. Дауыс беруге еліміздің 18 жасқа толған азаматтары қатыса алады.

          Қазақстан Республикасының Ливандағы Елшілігінде сайлау учаскесі ашылады және осында азаматтар атом электр станциясының құрылысына «Қолдаймын» немесе «Қарсымын» деп дауыс бере алады. АЭС салу мәселесіне қатысты пайдалы ақпаратты Елшіліктің ресми сайтында (сілтеме https://www.gov.kz/situations/723/intro?lang=kk) табуға болады.

          Осы орайда тізімді жасақтау үшін Ливанда тұрақты және уақытша тұратын 18 жасқа толған сонымен қатар референдумға қатысуға ниет білдірген Қазақстан азаматтарын 11 қыркүйек күні сағат 18.00-ге дейін «Whatsapp» мессенджері (+961 71 154 731) арқылы немесе  телефон нөміріне (961 4 713-447) келесі мәліметтерді хабарлауды сұраймыз:

• тегі, аты, әкесінің аты;
• туған күні, айы және жылы;
• Ливандағы тұрғылықты мекен-жайы;
• ҚР азаматының төлқұжат нөмірі;
• жеке сәйкестендіру нөмірі.