Екіжақты мәдени-гуманитарлық байланыстардың әлеуеті зор. Ливандық жоғары оқу орындары, мәдени орталықтар басшыларымен және жекелеген тарихшы ғалымдармен кездесулер өткізіліп тұрады. 2023 жылғы 10 наурызда Триполи және Джинан университеттері басшыларымен кездесулер барысында қазақстандық және ливандық жоғары оқу орындары арасындағы ынтымақтастық мәселелері талқыланды. Аталған ливандық университеттер мен «Нұр-Мубарак» Египет ислам мәдениеті университеті арасында орнаған қарым-қатынастарды жандандыруға назар аударылды.
Қазіргі кезде ливандық «Elite» мәдениет және білім, Isticharia» зерттеу орталықтарымен, «LebaPedia News» жаңалықтар порталымен, Маронит лигасымен, сондай-ақ Иордания және Палестина бойынша «Lions Clubs International» ұйымымен жұмыс байланыстары орнатылды.