Визалық сұрақтар:

• Қазақстан мен Әзербайжан арасында визасыз режим.
• ҚР азаматтары 30 күнге дейін тіркеусіз бола алады, мемлекеттік шекараны кесіп өткен сәттен бастап 180 күнтізбелік күн ішінде жалпы 90 күн.
• Қазақстан Республикасының жарамды жол жүру құжаттары: шетелдік паспорт, дипломатиялық паспорт, қызметтік паспорт болып табылады.

Паспорттың жарамдылығы:

• Паспорттың жарамдылық мерзімі сапар аяқталғаннан кейін кем дегенде 6 айға дейін жарамды болу керек.

Кедендік бақылау:

• Кедендік декларациялау, әкелуге/әкетуге тыйым салынған заттар және т.б. туралы ақпаратты келесі сілтеме бойынша алуға болады: https://customs.gov.az/en/ferdler-ucun/fiziki-sexsler-ucun-melumat 

Медициналық сақтандыру:

• Медициналық сақтандыру полисін сатып алуы сапар кезінде жазатайым оқиғадан сақтандыруға және сақтандыру жағдайы басталған кезде күтпеген медициналық шығындардан аулақ болуға мүмкіндік береді.

    «Туристі міндетті сақтандыру туралы»

Эпидемиялық ахуал:

• Әзербайжанда 2025 жылғы 1 шілде сағат 06:00-ге дейін ұзартылған арнайы карантиндік режим жалғасуда. Шетелдік азаматтар үшін келесі кіру ережелері қолданылады:

• Әзербайжанға кіру
  Тек әуе көлігімен рұқсат етіледі. Құрлық шекаралар жабық. Кіру және шығу тек елдің халықаралық әуежайлары арқылы мүмкін.

• Кіру кезіндегі талаптар
  COVID-құжаттары талап етілмейді: 2023 жылғы 28 наурыздан бастап вакцинация туралы сертификаттарды, ПТР-тест нәтижелерін ұсыну және карантиннен өту бойынша талаптар жойылды. Сондай-ақ, COVID төлқұжаты немесе басқа растайтын құжаттар қажет емес.
  Бетперде режимі: міндетті түрде маска киюден бас тартылады, бірақ оларды әуежайлар мен қоғамдық көліктер сияқты адамдар көп жиналатын жерлерде пайдалану ұсынылады.

Қалыптасқан тәртіп нормалары:

• Әзербайжанда болу кезінде сіз оның заңдарына бағынасыз, оларды қатаң сақтауға міндеттісіз; қабылдаушы елдің заңдарын білмеу сізді жауапкершіліктен босатпайды.
• Жалпы қабылданған этика және мораль нормаларын ұстаныңыз, мінез-құлқыңызды қоршаған ортаға бейімдеңіз және жергілікті әдет-ғұрыптар мен дәстүрлерді құрметтеңіз.
• Шет тіліндегі негізгі сөздер мен сөз тіркестерін білу сіздің елде болуыңызды жеңілдетеді және жергілікті тұрғындардың көңілінен шығады.
• Ел туралы көбірек біліңіз: саяси жағдай, климаттық жағдайлар, заңдар мен ұлттық дәстүрлер, қоғамдық және басқа жерлерде мінез-құлық ерекшеліктері.

Пайдалы ақпарат:

• Мобильді навигаторларды алдын ала орнатыңыз – Google maps, Waze.
• Электрондық төлем жүйелерінің ерекшеліктері жоқ.
• Банк карталарымен төлеу ерекшеліктері жоқ.
• Туристік СИМ-карталарды сатып алу мүмкіндігі бар.
• VPN орнатудың қажеті жоқ.

Шетелге оқуға, жұмысқа немесе тұрақты тұруға барған жағдайда

• Құжаттарыңызды алдын ала заңдастыру немесе апостиль қою керек. Бұл, ең алдымен, білім туралы құжаттарға, АХАТ органдары берген куәліктерге, мүліктік қатынастарға және әлеуметтік қамсыздандыру мәселелеріне қатысты құжаттарға қатысты.

Консулдық есеп туралы:

• Оқу, жұмыс немесе тұрақты тұру мақсатында шет мемлекетке келген қазақстандық азаматтарға жақын жердегі қазақстандық дипломатиялық өкілдікте немесе консулдық мекемеде консулдық есепке тұру ұсынылады.
• Консулдық есепке қою Қазақстанға бармай-ақ көптеген мәселелерді шешуге мүмкіндік береді (сайлау мен референдумдарға қатысу, паспортты ресімдеу, азаматтық хал актілерін тіркеу және т.б.), сондай-ақ болу мемлекетінде әскери іс-қимылдар, жаппай тәртіпсіздіктер, дүлей зілзалалар туындаған жағдайда сіздің эвакуацияңызды жеңілдетеді.

Құқық қорғау органдарымен ұсталған жағдайда сіздің іс-әрекетіңіз:

• Күтпеген жағдайлар туындаған жағдайда (жергілікті құқық қорғау органдарының ұстауы, басқа адамдар тарапынан қорқыту, жол-көлік оқиғалары және т.б.) Сіз болу мемлекетінде қазақстандық консулдық мекеменің қызметкерімен кездесуді талап етуге құқығыңыз бар.
• ҚР консулдық мекемесінің қызметкерлері болмаған кезде шет тілінде қандай да бір Хаттамаларға және өзге де құжаттарға қол қоймаңыз.