2022 ж. Қазақстан мен Грекия арасындағы тауар айналымы 1,6 млрд. АҚШ долл. құрады, соның ішінде қазақстандық экспорт — 1,6 млрд. АҚШ долл., Грекиядан импорт — 22,8 млн долл.
Анықтама: ҚР мен Грекия арасындағы тауар айналымы 2021 ж. 1,3 млрд., оның ішінде қазақстандық экспорт — 1,3 млрд., Грекиядан импорт — 25 млн. 2020 ж. бұл көрсеткіш 1,4 млрд., оның ішінде ҚР экспорты — 1,4 млрд., импорт — 20 млн. құрады. 2019 ж. тауар айналымы 1,3 млрд., оның ішінде қазақстандық экспорт-1,3 млрд., импорт — 20 млн. 2018 ж. тауар айналымы 1,2 млрд., оның ішінде қазақстандық экспорт — 1,1 млрд., импорт — 19,3 млн. болды.
ҚР Ұлттық банкінің мәліметінше, 2022 ж. Грекиядан ҚР-ға тікелей инвестициялардың жалпы ағыны 2022 жылы — 7,7 млн. құраса, ҚР-дан ГР-ға тікелей инвестициялардың жалпы ағымы 3,4 млн.
Қазақстандық экспорттың негізгі баптары: шикі мұнай, өңделмеген алюминий, мұнай өнімдері, бидай, тас көмір, алюминий шыбықтары мен пішіндері, арнайы мақсаттағы электр машиналары мен аппаратурасы, автоматты реттеу мен басқаруға арналған аспаптар мен құрылғылар.
Қазақстандық импорттың негізгі баптары: дәрілік заттар, джемдер, желе, мармеладтар, жеміс-жаңғақ пен қант қосылған пюре, арнайы мақсаттағы машиналар мен механикалық құрылғылар, алюминий фольгасы, ыдыс-аяқ, пластмассадан жасалған үй тұрмысына қажетті заттар, жүннен жасалған киім-кешек пен өзге де бұйымдар, сірке суынсыз дайындалған немесе консервіленген, мұздатылмаған басқа да көкөністер.
2023 ж. 1 қаңтардағы жағдай бойынша ҚР-да шамамен 47 заңды тұлға, филиалдар мен өкілдіктер негізінен тау-кен өндіру өнеркәсібі, көтерме және бөлшек сауда, өңдеу өнеркәсібі, қызмет көрсету және құрылыс саласында маманданған.
Экономикалық және технологиялық ынтымақтастық жөніндегі Үкіметаралық комиссия Екіжақты қарым-қатынастың маңызды тетігі болып табылады. Осы уақытқа дейін ҮАК-тың 5 отырысы өткізілді (соңғысы Астанада 2022 ж. 19 қазанда). Тең төрағалар: Қазақстан тарапынан — ҚР МСМ Вице-министрі Е.Еркінбаев, Грекия тарапынан — СІМ министрінің орынбасары К.Фрагояннис.
2022 ж. 20 маусымда Грекияда Қазақстан-Грек іскерлік кеңесі ашылды. Қазақстан тарапынан белгілі экономист Жақсыбек Кулекеев, Грекия тарапынан кәсіпкер Томас Ламнидис тең төраға болып тағайындалды.