Азаматтарға арналған жадынама

Сапар ережесі:

Қазақстан мен Грекия арасында визалық режим қолданылады.

Паспорттың қолданылу мерзімі:

Паспорттың қолданылу мерзімі сапар аяқталғаннан кейін кемінде 6 ай болуы қажет.

Кедендік бақылау:

Грекия Елшілігінің сайтынан қараңыз: сілтеме

Медициналық сақтандыру:

Сапар уақытына медициналық сақтандыру полисін шетелде рәсімдеу: бұл күтпеген жағдайлар кезінде сақтандыру өтемақысын алуға және жоспарланбаған медициналық шығындардан сақтануға мүмкіндік береді.

«Туристің міндетті сақтандыруы»

Эпидемиологиялық жағдай:

-

Қалыптасқан тәртіп нормалары:

- Грекияда жүрген кезде Сізге сол елдің заңдары қолданылады. Өзге мемлекетте болу Сізді бұл заңдарды сақтаудан босатпайды.
- Жергілікті заңдарды, әдет-ғұрыптар мен дәстүрлерді құрметтеңіз.
- Негізгі шетел сөздері мен тіркестерін білу елде жүруді жеңілдетеді әрі жергілікті тұрғындармен қатынаста жағымды әсер қалдырады.
- Ел жайлы қосымша ақпаратпен танысыңыз: саяси ахуал, климаттық ерекшеліктер, қоғамдық орындардағы тәртіп пен киім кию мәдениеті.

Пайдалы ақпарат:

- Роумингке арналған мобильді карталар ерекшелігі – Cosmote, Vodafone.
- Электрондық төлем жүйелері – кез келген банк картасы жарамды.
- Банк карталарын пайдалану – Visa, Mastercard, Maestro.
- SIM-карта сатып алу немесе роумингті қосу қажеттілігі.

Егер оқу, жұмыс не тұрақты тұру мақсатында шықсаңыз:

Шетелге шықпас бұрын құжаттарды заңдастыру немесе апостиль қою қажет. Бұл – оқу туралы дипломдар, куәліктер, некеге тұру туралы немесе мүлікке қатысты құжаттар. Бұл құжаттар АХАТ органдары арқылы рәсімделеді.

Консулдық есепке тұру туралы:

Шетелге оқуға, жұмыс істеуге немесе тұрақты тұруға барған азаматтарға жақын жердегі Қазақстан Республикасының дипломатиялық немесе консулдық өкілдігіне есепке тұру ұсынылады.

Консулдық есепке тұру – елге бармай-ақ бірқатар мәселелерді шешуге көмектеседі (сайлау және референдумдарға қатысу, паспорт алу, азаматтық хал актілерін тіркеу және т.б.), сондай-ақ төтенше жағдайда (соғыс, тәртіпсіздік, табиғи апат) Сіздің құқықтарыңызды қорғауға мүмкіндік береді.

Құқық қорғау органдары ұстаған жағдайда:

- Егер құқық қорғау органдары ұстаған болса (жол-көлік оқиғасы, әкімшілік бұзушылық және т.б.), Қазақстан Республикасының консулдық мекемесінің қызметкерімен байланысыңыз.
- Қазақ консулы қатыспайынша, ешқандай хаттамаға немесе өзге құжатқа қол қоймаңыз.