Ақтөбеде мәдениет саласындағы ынтымақтастық туралы үшжақты меморандумға қол қойылды

Ақтөбе қаласында Облыстың мәдениет, мұрағаттар және құжаттама басқармасының қатысуымен Ақтөбе облыстық халық шығармашылығы орталығы мен Башқұртстан Республикасының Республикалық халық шығармашылығы орталығы, сондай-ақ Ресей Федерациясындағы "Қазақ тілі" халықаралық орталығы (Орынбор қ.) арасында мәдени ынтымақтастық туралы келісімге қол қойылды.

Облыстық тарихи-өлкетану мұражайында құжатқа салтанатты түрде қол қойылды. Іс-шара Наурыз мейрамын мерекелеу және Ақтөбе облысы мен Башқұртстан Республикасы арасындағы мәдени-шығармашылық байланыстарды ұйымдастыру бойынша іс-шаралар өткізу шеңберінде өтті.

Тараптар Қазақстан мен Башқұртстан арасындағы мәдениет саласындағы ынтымақтастық достық қарым-қатынастарды нығайтудың маңызды элементі болып табылатынын, халықтардың мәдени мұрасын сақтауға және дамытуға ықпал ететінін атап өтті.

Сонымен қатар, келісімге қол қою екі өңір арасындағы достық қарым-қатынасты нығайтуға және мәдени өзара іс-қимылды дамытуға ықпал етеді.