Қазақстан делегациясы Татарстан мұнай-газ химиясы форумына қатысты-2021

 

Форумның салтанатты ашылу рәсіміне Татарстан Президенті Рустам Минниханов, Қазақстанның энергетика министрі Нұрлан Ноғаев және Қазақстанның Қазан қаласындағы Бас консулы Ерлан Ысқақов қатысты.

 

Нұрлан Ноғаев Қазақстан мен Ресей арасындағы қарым-қатынастар өсімінің оң қарқынын атап өтті, бұған жалпы құны 12 млрд. АҚШ долларын құрайтын мұнай-газ химиясы саласындағы жобалардың іске асырылуы дәлел бола алады. "ҚазМұнайГаз" АҚ мен "Татнефть" ЖАҚ арасында бутадиен мен оның туынды өнімдерін шығару бойынша өзара іс-қимылдың базалық шарттары туралы келісімге қол қойылып, осы жоба бойынша инвестициялар көлемі шамамен 820 млн. АҚШ долл. құрайды, аяқталу мерзімі – 2026 жыл. 

 

Өз кезегінде Рустам Минниханов форум алаңына әлемнің түкпір-түкпірінен 150-ден астам компанияның өкілдері қатысып, жаңа әлемдік сын-қатерлер жағдайында мұнай-химия саласын дамыту перспективаларын талқылайтынын хабарлады.

 

Жұмыс аясында "Еуропалық Одақтың декарбонизация туралы шешімі және Ресейдің отын-энергетикалық кешенін дамытудың жаңа парадигмасы" халықаралық ғылыми-практикалық конференциясы, "Құрылыс саласында республикалық өндірістің мұнай-химия өнімдерін пайдалануды кеңейту" және "Жол құрылысында мұнай-химия өнімдерін пайдалануды кеңейту" тақырыптарында дөңгелек үстелдер өтті.

 

Сонымен қатар, форум аясында Татарстан Республикасының Президенті Рустам Миннихановпен, Татарстан Республикасы Премьер-Министрінің орынбасары Василий Шайхразиевпен және т. б. екіжақты кездесулер өткізілді.

 

Татарстан мұнай-газ химиясы форумы Татарстан Республикасының Президенті Рустам Миннихановтың қолдауымен өткізілетін Ресейдің мұнай-газ саласындағы ең ірі халықаралық іс-шаралардың бірі. Бұл идеялармен алмасу, саланың ресейлік және шетелдік мамандары мен мұнай-газ индустриясының ғылыми қоғамдастығының негізгі мәселелерін талқылау, жаңа әзірлемелер мен технологияларды көрсету, өнеркәсіптік және бизнес қоғамдастықтың кездесу орны үшін тиімді алаң.

 

Форумның ұйымдастырушылары – Татарстан Республикасының Үкіметі, Татарстан Республикасының Өнеркәсіп және сауда министрлігі. Форум жұмысына 8000-нан астам қатысушы қатысты.