Құрманғазы мәдени орталығына 20 жыл толды!

Құрманғазы атындағы өңірлік мәдениет орталығы мерейтойын атап өтуде

Биыл Құрманғазы Сағырбайұлы атындағы Өңірлік мәдениет орталығының құрылғанына 20 жыл толып отыр. «Жолдастык» қазақ мәдени қоғамының бастамасымен ашылған бұл орталық бүгінде Қазақстан мен Ресей арасындағы, соның ішінде Қазақстан мен Астрахан облысы арасындағы достық пен мәдени ынтымақтастықтың берік көпіріне айналды.

Орталықтың қызметі қазақ халқының рухани мұрасын сақтау, ұлттық дәстүрлерді дәріптеу және жас таланттарды қолдау бағытында табысты жалғасып келеді. Астрахан облысының басшылығы мәдени байланыстарды дамыту ісіне айрықша қолдау көрсетіп, өңіраралық ынтымақтастықты нығайтуға зор үлес қосып отыр.

Құрманғазы атындағы Өңірлік мәдениет орталығы екі онжылдық ішінде мәдениет пен өнердің ірі орталығына айналып, халықаралық деңгейде танымал көптеген жобаларды жүзеге асырды. Алдағы уақытта да орталық ұлттық мәдениетті өркендету және бауырлас халықтар арасындағы достық пен өзара түсіністікті тереңдету бағытындағы жұмыстарын жалғастыра береді.