Қазақстан мен Түрікменстан іскерлік ынтымақтастықты нығайтуда
2024 жылғы 19-23 ақпанда Астанада түрікмен кәсіпкерлерінің іскерлік миссиясы өтті.
Қазақстан астанасына түрікмен кәсіпкерлерінің делегациясы келді. Түрікменстанның тоқыма өнеркәсібі мен құрылыс материалдарын өндіру саласының өкілдері үш күн ішінде Астана мен Қазақстанның орасан зор инвестициялық әлеуетін зерттеді.
Іскерлік тур аясында Түрікменстаннан келген кәсіпкерлер Астана қаласының Инвестициялар және кәсіпкерлікті дамыту басқармасының басшылығымен, "Astana Invest "ЖДО" ЖШС @investinastana және "Астананы дамыту орталығы" ЖШС-мен кездесті. Қонақтарға инвестициялық жобаларды іске асыру тетіктері - елордалық арнайы экономикалық аймақ шеңберінде және инвестициялық келісімшарт бойынша ақпарат берілді.
Алғы сөзінде басқарма басшысы Халел Әкімжанов биыл "Астана-Технополис" ЕЭА екінші индустриялық паркі бойынша ТЭН түзетуді аяқтау жоспарланып отырғанын атап өтті.
Инфрақұрылым құрылысын бастау 2025 жылға жоспарланған. Сондай-ақ, елордада аграрлық-индустриялық аймақты құру бойынша жұмыстар жүргізілуде, онда тамақ өнеркәсібі кәсіпорындары мен ауыл шаруашылығы өнімдерін қайта өңдеу орналастырылады және логистикалық парк іске асырыла бастайды, бұл тауарларды тасымалдауға шығындарды азайтуға, жеткізу процесін жеделдетуге және өңірдегі логистикалық қызметтердің сапасын жақсартуға мүмкіндік береді.
Түрікмен бизнес-қоғамдастығының өкілдері "Астана-Технополис" ЕЭА аумағында тоқыма және құрылыс битум өндірісін орналастыру мүмкіндігіне, Қазақстанда өнімді өткізу мүмкіндігіне қызығушылық танытты.
Әлеуетті инвесторлар «Astana Invest» Индустриалды парк кәсіпорындарына ұйымдастырған таныстыру турына да қатысты.
Кездесу барысында инвестициялық ынтымақтастық, құрылыс, химия өндірісі, инновациялық кеңістік салаларындағы кең ауқымды мәселелер бойынша өзара іс-қимыл перспективалары талқыланды.
Сапар қорытындысы бойынша екі елдің кәсіпкерлері өзара қызығушылық тудыратын тұстарды анықтап, әртүрлі салалардағы әріптестікті дамытудың зор мүмкіндіктерін атап өтті.
Қос халықты нығайтып, жақындастыру үшін айқас күндерін өткізудің маңыздылығы мен маңызына тоқталған Қазақстан тарапы инвестициялық жобаларды жүзеге асыруда түрікмен тарапына жан-жақты көмек көрсетуге дайын екенін жеткізді.
Түрікменстандық кәсіпкерлер «KAZAKH INVEST» Ұлттық компаниясында да болды, онда инвестицияларды тарту және маркетинг департаментінің жоба жетекшісі Ерсұлтан Жаңабаев еліміздегі инвестициялық ахуал, инвестициялаудың басым бағыттары мен артықшылықтары туралы «Why Kazakhstan» егжей-тегжейлі презентациясын инвесторлар үшін ұсынды.
Түрікменстаннан келген делегация мүшелері «QazTrade сауда саясатын дамыту орталығы» АҚ басшылығымен сауда саясатын дамытудың басымдықтары туралы әңгімелесті. Бизнес миссиясы аясында QazTrade бас директорының бірінші орынбасары Құлбатыров Нұрланмен кездесу ұйымдастырылды.
Сонымен қатар, еларалық іскерлік миссиялар сияқты іс-шаралардың өте прагматикалық және практикалық нәтижеге бағытталған сипатын ескере отырып, ынтымақтастыққа мүдделі қазақстандық және түрікменстандық бизнесмендер арасында B2B форматындағы кездесулердің тұтас сериясын ұйымдастыру бағдарламаның ең маңызды нүктесі болды.
Сапарды "Астана" дипломатиялық клубы Қазақстан Республикасының Түрікменстандағы Елшілігінің қолдауымен екі елдің іскер топтары арасындағы байланыстарды нығайту және екіжақты сауда-экономикалық және инвестициялық ынтымақтастықты одан әрі дамытуға жәрдемдесу жөніндегі жұмыс шеңберінде ұйымдастырды.
Мұндай іс-шаралар қазақ-түрікмен сауда-экономикалық ынтымақтастығын дамыту мен нығайтудың тиімді құралдарының бірі екенін дәлелдеді. Түрікменстан кәсіпкерлерінің Қазақстанға жасаған алғашқы іскерлік миссиясынан оң нәтиже күтуге болады.
Қазақстан-Түрікменстан сауда-экономикалық және инвестициялық ынтымақтастығын дамыту бойынша жұмысты жалғастыру жақын арада Алматы, Шымкент, Ақтау және Астана қалаларына іскерлік миссияны ұйымдастыру болады.
Іскерлік миссияға қатысуға ниет білдірген Түрікменстан кәсіпкерлері ұйымдастырушылардың Ашғабаттағы өкіліне +993 62 606885 телефоны арқылы хабарласа алады.