Қазақстан Республикасының Түркия Республикасындағы Төтенше және Өкілетті Елшісі Е.Сапиев Түркия Ұлы Ұлттық Мәжілісінің Төрағасы М.Шентоппен кездесті

       Анкара, 2022 жылғы 20 қазан – Қазақстанның Түркиядағы Елшісі Еркебулан Сапиев Түркия Ұлы Ұлттық Мәжілісінің Төрағасы Мұстафа Шентоптың қабылдауында болды.

       Кездесу барысында Елші екіжақты қатынастар, дипломатиялық қатынастардың 30 жылдығы шеңберінде атқарылған жұмыстар, сондай-ақ парламентаралық ынтымақтастық мәселелері мен перспективалары талқыланды.

       М.Шентоп өз кезегінде Қазақстан-Түркия парламентаралық қатынастарға жоғары баға беріп, ү.ж. 20 қарашада жоспарланған Президенттік сайлауларда сәттілік тіледі және түрік депутаттары бақылаушы ретінде ТүрПА атынан қатысатынын хабарлады.