Амман қаласының әкіміне "Қазақстан Республикасының Тәуелсіздігіне 30 жыл" мерекелік медалі табысталды

Ү.ж. 10 наурызда Қазақстанның Иорданиядағы Елшісі Айдарбек Тұматов Амман қаласының әкім Юсеф әш-Шауарибамен кездесіп, оған ҚР Президенті Қасым-Жомарт Тоқаевтың атынан Қазақстан-Иордан қарым-қатынастарының дамытуына қосқан елеулі үлесін мойындау ретінде "Қазақстан Республикасының Тәуелсіздігіне 30 жыл" мерейтойлық медалін табыс етті.

Келіссөздер барысында Нұр-Сұлтан қаласының әкімі А.Көлгіновтің "Амман қаласының күніне" орай екі бауырлас қала арасындағы көпжоспарлы ынтымақтастықты одан әрі тереңдетуге мүдделілік көрсетілген құттықтау жолдауы табыс етілді.

Өз кезегінде,  Ю. әш-Шауариба дамудың оң серпінімен және перспективалық бағыттардың едәуір санының болуымен сипатталатын екіжақты байланыстарды ілгерілету ісіне өз үлесін одан әрі қосуға әзір екендігін білдірді.