Иордания спорт саласындағы екіжақты ынтымақтастықты арттыруға қызығушылық танытуда

Ү.ж. 22 қыркүйекте Қазақстан Республикасының Аммандағы Елшісі Айдарбек Тұматов Иордания Олимпиада комитетінің бас хатшысы Насер әл-Маджалимен кездесті.

Келіссөздер барысында тараптар алдағы уақытта Токиода өтетін жазғы Олимпиада ойындарына екі елдің ұлттық құрамаларының қатысуына дайындықты, сондай-ақ халықаралық спорт ұйымдарының шеңберінде өзара қолдау көрсету мәселелерін талқылады.

Қазақстандық спорттың халықаралық аренадағы маңызды жетістіктерін ескере отырып, Иордания тарапы спорт саласындағы екіжақты ынтымақтастықты одан әрі жандандыруға қызығушылық білдірді.