Алматы облысының Қарасай ауданында Алматы Дипломатиялық клубының көшпелі отырысы болып өтті

2020 жылғы 27 қарашада Алматы Дипломатиялық клубы Алматы облысының Қарасай ауданында өңірдің инвестициялық мүмкіндіктерін зерттеп-зерделеуге арналған көшпелі отырыс өткізді. Іс-шараға сыртқы саяси ведомство, Қарасай ауданының әкімдігі және Қарасай ауданының Корпоративті білім қоры қолдау жасады.

ҚР СІМ-нің Алматыдағы Өкілдігі басшысы Ерлан Ысқақов еліміздің экономикалық даму бағдарламалары, инвестициялық әлеуеті және туристік мүмкіндіктері туралы, сондай-ақ үкіметтің тұрғындар мен бизнесті қолдау бойынша COVID-19 жағдайында қолға алған, кризистің кері әсері мен айтарлықтай экономикалық құлдырауды болдырмауға бағытталған шаралары жайында сөз сөйледі.

Кездесуде сондай-ақ, Қарасай ауданы әкімінің Бірінші орынбасары Айжан Назарбаева, РФ-ның Алматыдағы Бас консулы, Алматы Дипломатиялық клубтың президенті, Дипкорпустың дуайені Евгений Бобров, Хорватияның ҚР-дағы құрметті консулы, Корпоративті білім қорының басшысы Еркін Ысрайылов, БҰҰ Жаһандық коммуникациялар департаментінің Қазақстан Республикасындағы өкілі, Алматы Дипломатиялық клубының вице-президенті Властимил Самек, Алматы Дипломатиялық клубының бірінші Құрметті төрағасы, Мажарстанның ҚР-дағы Бас консулы Ференц Блауманн және т.б.-лар сөз алды. Шет елдердің және халықаралық ұйымдардың өкілдіктерінен құралған делегация мүшелері өз сөздерінде    Қазақстанда жүргізіліп жатқан әлеуметтік-экономикалық өзгерістер мен экономикалық ахуалды жоғары бағалап, Қазақстандағы контрәріптестермен ынтымақтастық бойынша алға қойылған жоспарларымен бөлісті.

Дипклуб мүшелері кездесуді нәтижелей келе “Атамекен” тарихи-мәдени орталығын тамашалады.