Қазақстан Елшісі Эфиопияның оңтүстігіндегі Ұлттар, ұлттар мен халықтар өңіріне іссапармен барды

Аддис-Абеба, 2022 жылғы 14 желтоқсан - Қазақстанның Эфиопиядағы Елшісі, Африка Одағы жанындағы Тұрақты өкілі Барлыбай Садықов Эфиопияның оңтүстігіндегі Ұлттар, ұлттар мен халықтар өңіріне іссапармен барып, сапар барысында Арба-Мыңч қаласының Мэрі Маркос Матевос (Markos Matewos) Елшіні қабылдады.

Қазақстандық дипломат сұхбаттасушыны Қазақстандағы ағымдағы экономикалық реформалар, екіжақты ынтымақтастықты дамыту деңгейі туралы хабардар етті. Ол Эфиопиямен сауданы арттыру бойынша мүмкін жобаларға ерекше назар аударды. Өз кезегінде қала басшысы қазақстандық дипломатты өңірдің экономикалық әлеуетімен таныстырып, өзара іс-қимылдың перспективалы салаларын атап өтті.

Сонымен қатар, Елші Арба-Мынч қаласы Сауда палатасының Президенті Богале Битанемен (Bogale Bitane) кездесті. Кездесу аясында Елші авокадо, банан, папайя, манго, жібек және қол тоқыма өнімдерін экспорттайтын жетекші фермаларға барды. Эфиопиялық компаниялар Қазақстан Елшілігі делегациясының сапарына қызығушылық танытты.

Мысал ретінде, жібек өндіруші «Bere Sericulture Production PLC» компаниясының Бас директоры Хайлу Гелета компаниясының экспорттық мүмкіндіктерімен таныстырып, қазақстандық бизнесті неғұрлым белсенді сауда-инвестициялық өзара ынтымақтастыққа қол жеткізуге шақырды.

Жалпы, жергілікті өндірушілер қазақстандық бизнеспен өзара тиімді шарттарда ынтымақтастық орнатуға дайын.

Анықтама: Эфиопияның оңтүстігіндегі Ұлттар, ұлттар мен халықтар өңірі Эфиопияның 11 аймағының (штаттарының) бірі болып табылады. Өңір халқы 20 млн. астам адамды құрайды. Аймақ банан, манго, авокадо, папайя және т. б. жеміс түрлерімен танымал.