Қазақстан Елшісі Эфиопия СІМ-де кездесу өткізді

АДДИС-АБЕБА, 2021 жылғы 9 тамыз – Қазақстанның Елшісі Барлыбай Садықов Эфиопияның СІМ Азия және Тынық мұхит елдері департаментінің бас директоры Молалин Асфомен кездесу өткізді.

Әңгіме барысында тараптар Қазақстан-Эфиопия ынтымақтастығының екіжақты және көпжақты күн тәртібіндегі өзекті мәселелерді талқылады.

Сонымен қатар, тараптар өзара қызығушылық тудыратын барлық бағыттар бойынша екіжақты өзара іс-қимылды кеңейтуге өзара ұмтылысты атап өтті, сондай-ақ ағымдағы жылдың қыркүйек айында өтетін Қазақстан мен Эфиопия арасындағы дипломатиялық қарым-қатынастарды орнатудың 10 жылдық мерейтойының маңыздылығын атап өтті.