Сауда-экономикалық ынтымақтастық
Қазақстан мен Эфиопия арасындағы сауда-экономикалық ынтымақтастықтың дамуы үшін жақсы келешегі мен әлеуеті бар.
ҚР Ұлттық экономика министрлігі Статистика комитетінің деректері бойынша Қазақстан мен Эфиопия арасындағы тауар айналымы келесідей болды:
- 2020 ж. – 48,7 мың АҚШ долл.;
- 2021 ж. – 130,9 мың АҚШ долл.;
- 2022 ж. – 482,9 мың АҚШ долл.;
- 2023 ж. – 620 мың АҚШ долл.;
- 2024 ж. – 730 мың АҚШ долл.
2025 жылдың қорытындысы бойынша ҚР мен ЭФДР арасындағы тауар айналымы 1295,3 млн долларға жетті (экспорт – 3,6 мың долл., импорт – 1291,7 млн долл.).
2026 жылғы қаңтар-сәуір аралығында ҚР мен ФДРЭ арасындағы тауар айналымы 359 мың АҚШ долларды құрады (Эфиопиядан Қазақстанға Экспорт - 100%, импорт - 0 USD).
Қазақстаннан Эфиопияға темірден, легірленген және легірленбеген болаттан жасалған жалпақ прокат экспортталады. Эфиопиядан Қазақстанға гүлдер, кофе, былғары, тоқыма бұйымдары және басқа да тауарлар импортталады.
Бизнес-қоғамдастықпен өткізілген іс-шаралар мен кездесулер
Екіжақты сауда-экономикалық және инвестициялық байланыстарды дамыту перспективаларын зерделеу, сондай-ақ Қазақстанның сауда-экономикалық және инвестициялық әлеуеті туралы ақпараттандыру мақсатында 2019 жылғы 10 желтоқсанда, 2021 жылғы 24 қыркүйекте, 2021 жылғы 14 қазанда, 2022 жылғы 28 қаңтарда, 2022 жылғы 8 қарашада және 2025 жылғы 12 қазанда ҚР Елшілігі Эфиопия СІМ, бейінді министрліктерінің, Эфиопия және Аддис-Абеба қаласының сауда палаталарының, сондай-ақ Эфиопия бизнес-топтары өкілдерінің қатысуымен сауда семинарларын өткізді.
Осы іс-шаралардың нәтижесі бойынша Эфиопияның Сауда-өнеркәсіп палатасымен бірлесіп сауда-экономикалық ынтымақтастық жөніндегі жұмыс тобы құрылды.
Осыған байланысты, ҚР Елшілігі ҚР Сауда және интеграция министрлігінің «QazTrade» сауда саясатын дамыту орталығымен, «KazakhExport» экспорттық сақтандыру компаниясы» АҚ мамандандырылған сақтандыру ұйымымен және Аддис-Абеба Сауда-өнеркәсіп палатасымен бірлесіп «Қазақстан мен Эфиопия арасындағы сауда мен инвестицияларды ілгерілету» тақырыбында семинар өткізді. Іс-шараға қазақстандық тауарларды Эфиопия мен Африканың басқа да елдерінің нарығына жеткізуге, сондай-ақ эфиопиялық кофені, жемістерді, дәмдеуіштерді, өсімдіктер мен гүлдерді және т.б. экспорттауды дамытуға мүдделі Аддис-Абеба бизнес-топтарының өкілдері қатысты.