Дубайда өткен БАӘ Халықаралық ынтымақтастық жөніндегі Мемлекеттік министрімен кездесу туралы

Әбу Даби, 2024 жылғы 24 қазанда  Dubai EXPO City аумағында Қазақстан Республикасының Сауда және интеграция министрі А.А Шакқалиев пен Қазақстанның БАӘ-дегі Төтенше және Өкілетті Елшісі Нажмедин Мұхаметәліұлының БАӘ-ның Халықаралық ынтымақтастық жөніндегі Мемлекеттік министрі және Expo City Dubai бас атқарушы директоры Рим Ибраһим әл-Хашимимен кездесуі өтті.

Кездесу барысында Қазақстан мен БАӘ арасындағы сауда-экономикалық байланыстарды кеңейтуге қатысты ауқымды мәселелер талқыланды.

Тараптар екі ел басшылары белгілегендей, екіжақты сауда айналымын 1 миллиард АҚШ долларына дейін жеткізу жоспарларын растады. Қазақстан мен БАӘ стратегиялық серіктестер болып табылатыны және инвестициялық және сауда ынтымақтастығын кеңейтудің жоғары әлеуеті бар екендігі ерекше атап өтілді.

Сондай-ақ, Дубайдағы Қазақстанның Сауда Үйінің рөлі аталып өтті, ол Қазақстанның өнімдері мен қызметтерін БАӘ нарығына ілгерілетуде маңызды құрал болып табылады.

Әмірліктер тарапы Қазақстанды БАӘ-де өтетін IT-технологиялар, өнеркәсіп, азық-түлік және агроөнеркәсіптік кешен (АӨК) салаларындағы алдағы халықаралық көрмелерге қатысуға шақырды.

Тараптар барлық бағыттар бойынша ынтымақтастықты кеңейтуге деген ниеттерін растады.