Қазақстан Елшісі Біріккен Араб Әмірліктерінің Индустрия және озық технологиялар министрінің орынбасарымен кездесті

Абу Даби, 2024 ж. 3 қазан – Қазақстанның Біріккен Араб Әмірліктеріндегі Елшісі Нажмедин Мұхаметәліұлы БАӘ Индустрия және озық технологиялар министрінің орынбасары Омар әл-Сувейдимен кездесті.

Кездесу барысында екі ел арасындағы өнеркәсіп және озық технологиялар саласындағы ынтымақтастықты кеңейту мәселелері талқыланды.

Қазақстандық дипломат екіжақты экономикалық байланыстарды нығайтуға ниетті екенін атап өтіп, Қазақстанның ғылым, технология және өндіріс саласындағы елеулі әлеуетіне және осы салаларда бірлескен жобалар жүзеге асырудың мүмкіндіктеріне назар аударды.

Өз кезегінде, Омар әл-Сувейди Қазақстан мен Әмірліктер арасындағы ынтымақтастықты кеңейтуге қолдау көрсетуге дайын екенін білдірді.

Кездесу соңында тараптар жемісті және өзара тиімді ынтымақтастықтың одан әрі дамуына сенім білдірді.