М.Меңілбеков БАӘ СІМ Консулдық мәселелер департаментінің Директорымен кездесті.

Ү.ж. 25 мамырда Қазақстан Республикасының Біріккен Араб Әмірліктеріндегі Елшісі М.Меңілбеков БАӘ Сыртқы істер және халықаралық ынтымақтастық министрлігі Консулдық мәселелер департаментінің Директоры Мажид әл-Мансуримен кездесті.

Кездесу барысында тараптар алдағы уақытта өтуі жоспарланған Қазақстан-Әмірліктер консулдық консультацияларының кезекті отырысын талқылап, күн тәртібіндегі өзекті мәселелер бойынша пікір алмасты.

Кездесудің қорытындысы бойынша консулдық саладағы ынтымақтастықты нығайту жөнінде уағдаластыққа қол жеткізілді.