2023 жылғы 1 қаңтардан бастап мәслихат хатшысы мәслихат төрағасы болып аталатын болды. 2023 жылы 19 наурызда өткен сайлауда Катонқарағай аудандық мәслихатының сегізінші шақырылым депутаттары сайланып, 30 наурызда өткен 1 сессияда мәслихат төрағасы болып №11 сайлау округінің депутаты Болаев Бейімбет Қабдрахманұлы сайланды.
Қазақстан Республикасы Президентінің 2023 жылғы 28 желтоқсандағы «Қазақстан Республикасының әкімшілік-аумақтық құрылысының кейбір мәселелері туралы» №424 Жарлығына қол қойылып, 2024 жылғы 1 қаңтардан бастап қолданысқа енгізілді.
Нәтижесінде Қатонқарағай ауданының құрамынан бөлу жолымен әкімшілік орталығы Үлкен Нарын ауылында орналасатын Үлкен Нарын ауданы құрылды.
Катонқарағай аудандық мәслихатының 2024 жылғы 3 қаңтардағы кезектен тыс сессиясының шешімімен Катонқарағай аудандық мәслихаты мен Үлкен Нарын ауданының мәслихатына бөліну жолымен қайта ұйымдастырылды.
2024 жылғы 3 қаңтарда 6 депутаттан тұратын Үлкен Нарын ауданы мәслихаты құрылды.
2024 жылғы 8 қаңтарда болған Үлкен Нарын ауданы мәслихатының 1 сессиясында мәслихат төрағасы болып №4 сайлау округінің депутаты Сыдыкова Жанар Данелханқызы сайланды. 2 тұрақты комиссия құрылып, комиссия төрағалары мен мүшелері сайланды.
Аудандық мәслихат депутаттары ауданымыздың дамуына өзіндік үлестерін қосып келеді. Әр жылы ауданның әлеуметтік-экономикалық дамуына жіті назар аударып, аудан бюджетін бекітіп, оның жыл көлеміндегі атқарылуын бақылауда ұстап, аудан әкімінің есебін тыңдап, аудандағы атқарылып жатқан барлық істерде атқарушы билікпен қоян-қолтық жұмыс істеуде. Халық қалаулылары ауданның рухани өміріне де өздерінің қолтаңбасын қалдырып, игі бастамалардың басы-қасында жүреді.