«Әкімдердің мәслихаттар алдында есептерін жүргізу туралы»Қазақстан Республикасы Президентінің Жарлығына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына сәйкес, Аршалы ауданының әкімі Достанбек Берікұлы Есжановтың өзіне жүктелген функциялардың, міндеттердің орындалуы және ауданның одан әрі даму перспективалары туралы есепті баяндамасын тыңдап және талқылай отыра, аудандық мәслихат есептік кезеңде ауданның әлеуметтік-экономикалық дамуы бойынша айтарлықтай жұмыстар жүргізілді деп атап өтті.
Қазіргі уақытта Аршалы ауданында 12 ауылдық округ және 2 кент орналасқан. Ағымдағы жылы Аршалы ауданының әкімшілік-аумақтық құрылымына өзгерістер енгізілді, нәтижесінде Жібек жолы ауылы Жібек жолы кентінің дербес әкімшілік-аумақтық бірлігі болып қайта құрылды.
Ағымдағы жылдың есепті кезеңінде өнеркәсіп өндірісінің көлемі 54,2 млрд. теңгені құрады.
Ауданның өнеркәсіптік өндірісінің құрылымында өңдеу саласы үлесінің өсуінің оң серпіні байқалады. Ағымдағы кезеңнің қорытындысы бойынша оның үлесі 31% құрады, ал 2024 жылы бұл көрсеткіш 28% деңгейінде болды.
Өңдеу өнеркәсібі саласындағы негізгі жобалар: «АрШпал» АҚ темірбетон шпалдарын өндіру зауыты, - «Джамиля» ЖШС жиһаз өндіру зауыты, «SG Brick» ЖШС зауытының кірпіш өндіру зауыты, «Кабель КТ» ЖШС электр кабелін өндіру зауыты болып табылады.
«АрШпал» АҚ өндірісін ауқымды жаңғырту және кірпіш зауытының екінші кезегін салу жөніндегі инвестициялық жобаларды іске асыру ауданымыздың құрылыс саласы мен экспорттық әлеуетін дамытуға қосымша серпін береді.
Ағымдағы жылдың басынан бері аудан экономикасына 42 млрд.теңге инвестиция тартылды, бұл өткен жылмен салыстырғанда 1,4 есе көп.
«AQMOLA» республикалық маңызы бар индустриялық аймағын құру мәселесі шешуші орын алады, ол аудан мен жалпы астаналық өңір үшін елеулі мультипликативтік әсерді қамтамасыз етуге қабілетті. Бүгінгі таңда 1,2 трлн теңге сомасына жеті ауқымды жобадан тұратын портфель қалыптастырылды, оларды іске асыру 4,6 мыңнан астам жұмыс орнын құруға мүмкіндік береді.
Бүгінгі таңда аудан алдында тұрған негізгі міндеттердің бірі-күзгі-далалық компанияны сапалы және оңтайлы мерзімде өткізу. Аудан бойынша дәнді және дәнді-бұршақты дақылдарды жинау алаңы 197,6 мың гектарды құрайды.
Бүгінгі таңда егіс алқаптарының 40%-ы жиналды, өнімділігі шамамен 14,7 ц/га құрайды.
Ауданда астықты қабылдау үшін жалпы сақтау сыйымдылығы 55 мың тонна болатын екі астық қабылдау кәсіпорны бар. Астықты бастапқы тазарту және кептіру үшін жалпы өнімділігі тәулігіне 700 тонна болатын 11 механикалық ток және астық кептіргіштер тартылды.
Ағымдағы жылы 24 бірлік жаңа техника сатып алынды.
Ауданда жерді пайдалану мен қорғауды бақылау жұмыстары жалғасуда. 2022-2025 жылдар аралығында 9,5 мың ауыл шаруашылығы жері мемлекеттік меншікке қайтарылды.
Мал шаруашылығы саласында есепті күнге сүт өндіру көлемінің 106%-ға өсуі байқалады. Жылқы саны 104%- ға артты. Аграрлық саладағы жалпы оң динамикаға қарамастан, ауданның бірқатар ауыл шаруашылығы кәсіпорындарында ірі қара, қой және ешкі санының азаюы байқалады.
Қазіргі уақытта ауданда 2025-2026 жылдардағы жылыту маусымына дайындық бойынша кешенді іс-шаралар жүргізілуде. Ауданның басты жылумен жабдықтаушы кәсіпорны «Аршалы Су-2030» ШЖҚ МКК болып табылады. 100 пәтерлі тұрғын үйді қосу перспективасын ескере отырып, жабдықты жоспарлы жаңғырту, жылу трассаларын ауыстыру және қазандық жабдығының қуатын ұлғайту жүргізілуде.
Сонымен қатар, Аршалы кентінде газға көшу үшін үш қазандықтың жобалары әзірленуде.
Қазіргі уақытта «Аршалы Су-2030» ШЖҚ МКК мен «ЖЫЛУ НС 2030» ЖШС арасында 8 мың тонна көмір жеткізуге шарт жасалды (жылдық қажеттілік 18 мың тонна).
Магистральдық газ құбыры трассасының бойында орналасқан елді мекендерді газдандыру жұмыстары жалғасуда. Қазіргі уақытта Аршалы кентінде және Ақбұлақ ауылында бастапқы жобаға кірмеген учаскелерде газ желілерін салу жұмыстары жүргізілуде. Бұдан басқа, елді мекендерді-Сараба ауылы, Сарыоба станциясы, Бұлақсай ауылы, Қостомар ауылы, Михайловка ауылы және Жібек жолы, Жалтыркөл, Бабатай ауылдары бойынша бастапқы жобаға кірмеген учаскелерді газ желілеріне қосу үшін жобалау – сметалық құжаттама әзірленуде.
Ағымдағы жылы 4 білім беру нысанын газбен жабдықтауға қосу жоспарлануда – бұлар Түрген, Жалтыркөл ауылдарының мектептері, Бабатай, Ижевский станциялары.
Аудандық мәдениет үйін, Елтоқ ауылының клубын, Түрген ауылының мәдениет үйін газ желілеріне қосуға арналған жобалар бар. Ақмола облысының мәдениет басқармасына бюджеттік өтінімдер берілді.
Газдандыру жұмыстарымен қатар ауданда жергілікті маңызы бар автомобиль жолдарын күрделі және орташа жөндеу бойынша жобалар іске асырылуда.
Ағымдағы жылы Жалтыркөл ауылындағы ұзындығы 6 км-ден асатын кентішілік жолдарды күрделі жөндеу және Аршалы кентіндегі сегіз көшені орташа жөндеу жұмыстары басталды.
Жыл соңына дейін облыстық маңызы бар Жолдарды күрделі жөндеуді аяқтау жоспарлануда: «Бабатай-Бұлаксай» жолының 15 км және «Астананың Шығыс айналма жолы-Сарыоба станциясы» жолының 41 км, Елтоқ ауылының кентішілік жолдарын күрделі жөндеу және Бірсуат ауылына кірме жолды орташа жөндеу.
Ағымдағы жылы инфрақұрылымдық жобаларды іске асыру саласында бірқатар объектілерді аяқтау көзделген.
Атап айтқанда, ұзындығы 64 км Жібек жолы ауылының 6,7,8 шағын аудандарында су құбыры желілерін салу.
Екінші көтергіш сорғы станциясының құрылысы бойынша жұмыстар аяқталды. Жалтыркөл ауылында 72 км су құбыры желілері қайта жаңартылуда.
4 шағын ауданды, 3 алапты және ішінара 1 және 2 шағын аудандарды қамтитын Жібек жолы ауылын электрмен жабдықтау жобалары бойынша Жалтыркөл ауылының құрылыс жұмыстары аяқталуда.
Ағымдағы жылдың қыркүйек айында Жібек жолы ауылындағы «Новоалександровка» қосалқы станциясын пайдалануға беру жоспарлануда.
Жібек жолы ауылының алты шағын ауданында және Жалтыркөл ауылында көше-жол желісін, Жібек жолы ауылында 150 орындық демалыс орталығын, Жібек жолы ауылында дене шынықтыру-сауықтыру кешенін, Қостомар ауылында электрмен жабдықтау желілері мен көше-жол желісін (35 км) және Аршалы ауылында мәдениет үйін салу бойынша жобалар іске асырылуда.
«Тұрғын үйді жаңарту» бағдарламасы бойынша ағымдағы жылдың қазан айында 100 пәтерлі тұрғын үй пайдалануға беріледі.
Ауданның білім беру және денсаулық сақтау мекемелері штаттық режимде жұмыс істейді.
Ағымдағы жылы Константиновка, Ижевский, Белоярка ОМ күрделі жөндеуден өтті. «Светлячок» балабақшасын күрделі жөндеу және «Бөбек»балабақшасын ағымдағы жөндеу аяқталды.
Облысқа мәлімделген жалпы сомасы 5,5 млрд. теңгеге тоғыз мектепті күрделі жөндеуге ЖСҚ әзірленді.
Білім беру объектілерінің барлық қазандықтары жылыту маусымына дайындалған.
«Ауылдық денсаулық сақтауды жаңғырту» ұлттық жобасы аясында Арнасай ауылында ауылдық дәрігерлік амбулатория салынды.
Сонымен қатар, Аршалы ауданының елді мекендерінде стихиялық қоқыс үйінділерін жоюға, Аршалы кентінде сумен жабдықтауға және кәріз жүйесінің жұмыс істеуіне байланысты шешілмеген мәселелер бар.
Жоғарыда баяндалғандар негізінде, Аршалы аудандық мәслихаты ШЕШІМ ҚАБЫЛДАДЫ:
Инфрақұрылымдық және әлеуметтік объектілерді дамыту жөніндегі бірінші кезектегі мәселелерді шешуге, бюджет қаражатын игеру жөніндегі белгіленген міндеттерді барынша іске асыруға ерекше назар аударылсын.
Аудандық
мәслихатының төрағасы Ә. Балташев