Көкшетауда Ұлы Жеңістің 77 жылдығына арналған салтанатты іс-шаралар өтті. Оған облыстық мәслихат депутаттары да қатысты.
Мәслихат хатшысы Мұрат Балпан депутаттар Елена Мащинская, Талғат Жүнісов, Умар Шоназаров, Айнагуль Балташева, Ғалым Бекмагамбетов, Марат Сырлыбаев Мәлік Ғабдуллин, Талғат Бегелдинов және Мәңгілік алау ескерткіштеріне гүл шоқтарын қою рәсіміне қатысты.
«Даңқ мемориалындағы бір минуттық үнсіздік пен үш дүркін оқ ату – Ұлы Отан соғысының құрметті ардагерлеріне және Ұлы Жеңісті жақындатқандардың бәріне деген құрмет», – деді Мұрат Балпан.
Қала тұрғындарының назарына «Ұрпаққа ұран болған Ұлы Жеңіс!» концерттік бағдарлама ұсынылды. Жиналғандарды мерекемен құттықтай отырып, облыс әкімі Ермек Маржықпаев Жеңістің 77 жылдығын көзі көрген жалғыз соғыс ардагері – Казимир Борисович Беймартқа Көкшетау қаласының Құрметті азаматының белгісін тапсырды.
Күні бойы қала тұрғындарының назарында облыс орталығының шығармашылық ұжымдарының концерттік бағдарламалары болды, ал кешке көкшетаулықтардың алдында ҚР Еңбек сіңірген әртісі Айгүл Иманбаева өнер көрсетті.